29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Լեհաստանը սեպտեմբերի 11-ի կեսգիշերից ամբողջությամբ կփակի Բելառուսի հետ սահմանը
Քաղաքականություն
09.09.2025 | 22:14
Լեհաստանը սեպտեմբերի 11-ի կեսգիշերից ամբողջությամբ կփակի Բելառուսի հետ սահմանը, այս մասին հայտարարել է Լեհաստանի վարչապետ Դոնալդ Տուսկը։ Նրա խոսքով՝ դա կազդի ոչ միայն ավտոմեքենաների ստուգման անցակետերի և հետիոտնային անցումների, այլև երկաթուղու վրա, գրում է Current time-ը։
Տուսկը որոշումը բացատրել է ռուս-բելառուսական «Զապադ-2025(Արևմուտք)» զորավարժությունների մեկնարկով, որոնք սկսվում են ուրբաթ օրը և տեղի կունենան, ի թիվս այլ բաների, Լեհաստանի հետ սահմանին մոտ գտնվող տարածքներում: Նա դրանք անվանել է «ագրեսիվ» և ընդգծել, որ դա ուղղված է Սուվալկիի միջանցքի գրավմանը։
«Հետևաբար, ազգային անվտանգությունն ապահովելու համար, հինգշաբթիից ուրբաթ գիշերը մենք կփակենք սահմանները Բելառուսի հետ», -ասել է Տուսկը։
Ավելի վաղ ուկրաինացի ռազմական փորձագետները հիշեցրել էին, որ Ուկրաինա ներխուժումից առաջ Ռուսաստանը ևս զորքեր էր կուտակել սահմանին՝ Բելառուսի հետ համատեղ անցկացվող «վարժանքների» պատրվակով։
Ռուսաստանի և Բելառուսի զորավարժությունները կանցկացվեն 2025 թվականի սեպտեմբերի 12-ից 16-ը։ Վարժանքները, ինչպես հայտարարել են Ռուսաստանի Դաշնության և Բելառուսի իշխանությունները, կկիրառեն «Միութենական պետությունը պաշտպանելու համար անհրաժեշտ մանևրներ»։ Դրանց կմասնակցի ավելի քան 13 հազար զինծառայող։
Թարգմանությունը՝ Էմմա Չոբանյանի
