11.08.2026 | 16:53
Գևորգ Մելիքսեթյանը կազատվի ԲՏԱ նախարարի տեղակալի ժամանակավոր պաշտոնակատարի պաշտոնից
«Շենգավիթ» ԲԿ-ում նորածին է մահացել. քրեական գործ է հարուցվել
Հասարակություն
23.10.2018 | 11:09
«Շենգավիթ» բժշկական կենտրոնում նորածնի մահվան փաստի առիթով ՀՀ քննչական կոմիտեում հարուցվել է քրեական գործ: Այս մասին Factor.am-ը տեղեկացավ ՀՀ ՔԿ դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանից։
Նա նշեց, որ դեպքի առիթով քրեական գործ է հարուցվել ՔՕ 130 հոդվածի 2-րդ մասով (բժշկական օգնություն և սպասարկում իրականացնողների կողմից մասնագիտական պարտականությունները չկատարելը կամ ոչ պատշաճ կատարելը, որն անզգուշությամբ առաջացրել է բուժվող հիվանդի մահ կամ մարդու իմունային անբավարարության վարակի հարուցիչով վարակում):
Արարքը պատժվում է ազատազրկմամբ՝ երկուսից վեց տարի ժամկետով՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը երեք տարի ժամկետով։ Նշենք, որ նորածինը մահացել է հոկտեմբերի 20-ին:
Երեխայի հարազատները փոքրիկի մահվան համար ծնունդն ընդունող բժշկուհուն են մեղադրում: Դատաբժշկական նախնական փորձաքննությամբ՝ նորածինը մահացել է գանգուղեղային վնասվածքից։
