23.06.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ռուսաստանն ավիառումբով հարվածել է Դոնեցկի Յարովայա գյուղին․ զոհվել է ավելի քան 20 մարդ
Քաղաքականություն
09.09.2025 | 15:34
Ռուսական զորքերն ավիառումբ են նետել Դոնեցկի մարզի Յարովայա գյուղի վրա։ Այս մասին հայտարարել է Ուկրաինայի նախագահ Վլադիմիր Զելենսկին։
«Ակնհայտ դաժան ռուսական հարված ավիառումբով Դոնեցկի մարզի Յարովայա գյուղին։ Ուղղակի մարդկանց վրա։ Սովորական քաղաքացիական անձինք։ Այն պահին, երբ կենսաթոշակներն էին վճարում։ Նախնական տեղեկությունների համաձայն՝ զոհվածների թիվը 20-ից ավելի է։ Խոսքեր չկան… Ցավակցություն զոհերի բոլոր հարազատներին և ընկերներին»,- գրել է Զելենսկին տելեգրամյան իր ալիքում։
Նա նշել է, որ Ռուսաստանի կողմից նման հարվածները չպետք է անարձագանք մնան։
«Աշխարհը չպետք է լռի։ Աշխարհը չպետք է անգործ մնա։ Միացյալ Նահանգների պատասխանն է պետք։ Եվրոպայի պատասխանն է պետք։ G20-ին պատասխանն է պետք։ Անհրաժեշտ են ուժեղ գործողություններ, որ Ռուսաստանը դադարի մահեր բերել»,- հայտարարել է Ուկրաինայի նախագահը։
Ռուսաստանի պաշտպանության նախարարությունը չի մեկնաբանել Յարովայային հարված հասցնելու մասին տեղեկատվությունը։
Թարգմանությունը՝ Էմմա Չոբանյանի
