22.05.2026 | 17:17
ՖԻՖԱ-ն կարևոր փոփոխություն է քննարկում ֆուտբոլում
Զելենսկին Դավիթ Ալոյանին նշանակել է Ուկրաինայի Ազգային անվտանգության խորհրդի քարտուղարի տեղակալ
Քաղաքականություն
08.09.2025 | 20:42
Դավիթ Ալոյանը դարձել է Ուկրաինայի Ազգային անվտանգության և պաշտպանության խորհրդի նոր փոխքարտուղարը։ Այս մասին հայտնում է ՌԲԿ Ուկրաինան՝ հղում անելով Ուկրաինայի նախագահ Վլադիմիր Զելենսկիի համապատասխան հրամանագրին։
«Դավիթ Մանվելովիչ Ալոյանին նշանակել Ուկրաինայի Ազգային անվտանգության և պաշտպանության խորհրդի քարտուղարի տեղակալ», – ասվում է հրամանագրում։
Դավիթ Ալոյանը կրթությունը ստացել է Կիևի Վադիմ Գետմանի անվան ազգային տնտեսագիտական համալսարանում՝ մասնագիտանալով միջազգային տնտեսական հարաբերությունների ոլորտում և ստանալով մագիստրոսի կոչում։
Դեռևս ուսանողական տարիներին նա զբաղվել է ձեռնարկատիրական գործունեությամբ, իսկ ավելի ուշ աշխատել է ամերիկյան «Էվերեստ» լոգիստիկ ընկերության Կիևի մասնաճյուղում։
2021 թվականին Ալոյանը միացել է արդյունաբերության ռազմավարական ոլորտների հարցերով նախարարության թիմին, որտեղ ներդրումային քաղաքականության վարչության առաջատար մասնագետից հասել է մինչև եվրոպական և եվրաատլանտյան ինտեգրման վարչության պետի պաշտոնակատար։
2025 թվականի ապրիլի 15-ին Ալոյանը նշանակվել է Ուկրաինայի արդյունաբերության ռազմավարական ոլորտների հարցերով նախարարի տեղակալ՝ եվրոպական ինտեգրման հարցերով։
Հավելենք, որ Ռուստեմ Ումերովը Ուկրաինայի Ազգային անվտանգության և պաշտպանության խորհրդի քարտուղար էր դարձել հուլիսի 18-ին։ Նախկինում նա զբաղեցնում էր պաշտպանության նախարարի պաշտոնը։
Թարգմանությունը` Էմմա Չոբանյանի
