05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
Անվճար տոմս եմ վերցրել ՀՖՖ-ից և տվել քաղաքացիներին. Հրաչյա Հակոբյանի խոստովանությունը․ ՏԵՍԱՆՅՈՒԹ
08.09.2025 | 14:36
ԱԺ ՔՊ խմբակցության պատգամավոր Նիկոլ Փաշինյանի աներորդի Հրաչյա Հակոբյանն այսօր ԱԺ-ում լրագրողների հետ զրույցի ժամանակ պատասխանելով Factor TV-ի հարցին նշեց, որ ՀՖՖ-ն իրեն անվճար Հայաստան-Պորտուգալիա ֆուտբոլային խաղի տոմս է տվել։
Մեր մեկ այլ հարցին, թե ինչպես է ստացվել, որ այդ պահանջված խաղի տոմսերն իրեն անվճար են տվել, Հրաչյա Հակոբյանն ասաց, որ այդ հարցը պետք է ուղղել ՀՖՖ-ին։
Հիշեցնենք՝ մամուլը գրել էր, որ մանկատան սաներին, զինհաշմանդամներին հասանելիք տոմսերը ֆեդերացիան չի տվել նրանց։ «Վստահ եմ, որ նրանց տոմսերն ինձ չեն տվել»,-ասաց Հրաչյա Հակոբյանը։
Ուշագրավ էր նաև այն, որ Հրաչյա Հակոբյանը նաև հայտարարեց, որ ՀՖՖ-ից անվճար տոմսեր է վերցրել և տվել այլ քաղաքացիների, և, սա այն պարագայում, երբ շատ քաղաքացիներ օրինական ճանապարհով չեն կարողացել տոմս գնել։
«Եղել են քաղաքացիներ, որոնք ինձնից խնդրել են տոմս, ես դիմել եմ ֆեդերացիային, ֆեդերացիան ինձ տրամադրել է տոմս, տվել եմ այդ մարդկանց»,-ասաց Հրաչյա Հակոբյանը։
Մանրամասները՝ տեսանյութում։
Նարեկ Կիրակոսյան
