29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Ընդդիմությունը ոչինչ չի սովորել, հին տեքստերն են․ Հայկ Կոնջորյան․ ՏԵՍԱՆՅՈՒԹ
Քաղաքականություն
08.09.2025 | 11:33
«Եթե ձեզ հետաքրքիր է, թե ինչպես անցկացրեց ընդդիմությունն ամառային արձակուրդները, երկար մտածելու կարիք չկա, որովհետև քիչ առաջ տեսանք՝ որևէ նոր բան չեն սովորել մեր գործընկերները»,- այս մասին ԱԺ նիստում հայտարարեց «Քաղաքացիական պայմանագիր» կուսակցության ղեկավար Հայկ Կոնջորյանը՝ արձագանքլեվ ընդդիմադիր պատգամավորների ելույթներին:
«Նույն տեքստերը՝ հին, չարչրկված, մաշված տեքստերը. ընդդիմությունը գտնվում է կատարյալ «բանկրոտի» մեջ: Հատկապես օգոստոսի 8-ին Վաշինգտոնում տեղի ունեցած կարևորագույն պատմական իրադարձություններից հետո ընդդիմությունը նորից պիտի փորձի երգել հին երգերը: Հիշեցնեմ, որ այն մարդիկ, որոնց մասին խոսում էին մեր գործընկերները, մեղադրվում են ահաբեկչություն կատարելու մեջ: Ահա այս մարդկանց մասին էր խոսում ընդդիմությունը՝ հերթական անգամ իր հին ու տափակ տեքստերի արտաբերմամբ»,- ասաց Կոնջորյանը:
Իշխող ուժի ներկայացուցիչն այնուհետև թվարկեց, թե ինչ կլիներ, եթե ենթադրյալ «ահաբեկչության փորձը» հաջողվեր: Ըստ Հայկ Կոնջորյանի՝ առնվազն չէր լինի օգոստոսի 8-ը, առնվազն չէր նախաստորագրվի խաղաղության պայմանագիրը, առնվազն չէր ստորագրվի նաև Հայաստանի և Ադրբեջանի միջև համաձայանգիրը։
Մանրամասները՝ տեսանյութում։
