03.11.2026 | 19:02
Տուսկը հայտնել է, որ Լեհաստանը Կալինինգրադի մարզի հետ սահմանին հատուկ գործողության շրջանակում կանխել է ռուսական կողմից սադրանքը
Նոր նշանակումներ` Երևանի քաղաքապետարանում. ՏԵՍԱՆՅՈՒԹ
Քաղաքականություն
08.09.2025 | 09:55
Երևանի քաղաքապետարանի աշխատակազմում նոր նշանակումներ են եղել․ աշխատակազմի քարտուղարի ժամանակավոր պաշտոնակատար է նշանակվել Վիլեն Արևշատյանը, քաղաքապետի խորհրդական՝ Արման Լազրյանը, իսկ Սուրեն Վարոսյանը նշանակվել է Արաբկիրի վարչական շրջանի ղեկավար։ Այս նշանակումների մասին Երևանի քաղաքապետարանի գործակարգավարական խորհրդակցությանը հայտարարեց Երևանի քաղաքապետ Տիգրան Ավինյանը։
Նշենք, որ Երևանի քաաղքապետարանի աշխատակազմի արդեն նախկին քարտուղար Շավարշ Գրիգորյանը օգոստոսի վերջին էր աշխատանքից ազատման դիմում ներկայացրել։ Արման Լազրյանը մինչ այս զբաղեցնում էր քաղաքապետի օգնականի պաշտոնը։ Սուրեն Վարոսյանն էլ Արաբկիրի նախկին թաղապետ Արամ Ազատյանի հրաժարականի դիմում ներկայացնելուց հետո կատարում էր ղեկավարի պարտականությունները։ Նշենք, որ նա նախկինում ևս աշխատել է Տիգրան Ավինյանի հետ՝ լինելով փոխվարչապետի արարողակարգի պատասխանատուն։ Դրանից հետո Վարոսյանը զբաղեցրել է վարչապետի արարողակարգի պատասխանատուի պաշտոնը։
Մանրամասները՝ տեսանյութում։
Արփի Հակոբյան
