Դեսպան Մկրտչյանը և Խանիայի քաղաքապետը քննարկել են մշակույթի ու զբոսաշրջության ոլորտներում համագործակցության հնարավորությունները

Կրետե կատարած աշխատանքային այցի շրջանակներում Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը և Խանիայի քաղաքապետ Պանայոտիս Սիմանդիրակիսը քննարկել են երկկողմ հարաբերությունների ամրապնդման և մշակույթի ու զբոսաշրջության ոլորտներում համագործակցության հնարավորությունների հետ կապված հարցեր։ Այս մասին տեղեկացնում են Հունաստանում ՀՀ դեսպանությունից։

«Քաղաքապետը ողջունեց հայ դիվանագետին` ընդգծելով ապակենտրոնացված համագործակցության կարևորությունը։ Նա նաև հիշատակեց Խանիայում առկա ոչ մեծ, սակայն ակտիվ, համայնքի դերը երկկողմ հարաբերությունների զարգացման հարցում։
Քաղաքապետ Սիմանդիրակիսն ներկայացրեց Խանիայում առկա կրթամշակութսյին հաստատությունների համահունական նշանակությունը և հավելեց նրանց հետ համագործակցություն նախաձեռնելու հնարավորությունը։

Իր հերթին, Հայաստանի դեսպանը շնորհակալություն հայտնեց ջերմ ընդունելության համար և հայտնեց Հայաստանի մտադրությունը համատեղ հետաքրքրություն ներկայացնող նախաձեռնությունների վերաբերյալ, մասնավորապես մշակութային և տնտեսական բնույթի։ Դեսպանը կարևորեց Խանիայի տարեցտարի աճող գրավչությունը հայ զբոսաշրջիկների համար` միաժամանակ ընդգծելով հույն զբոսաշրջիկներին Հայաստան ուղղորդելու անհրաժեշտությունը»,- ասվում է հաղորդագրությունում։

Նշվում է, որ հանդիպմանը մասնակցում էին Կրետեի հայոց հոգևոր տեսուչ Տ. Եզնիկ արքեպիսկոպոս Պետրոսյանը և փոխքաղաքապետ Էլենի Զերվուդակին։