20.08.2026 | 15:51
Վահագն Ալեքսանյանն ու ՄԹ դեսպանը քննարկել են միջխորհրդարանական և տնտեսական համագործակցությունը
Հատուկ առաջարկներ և զեղչեր՝ միայն TOON EXPO YEREVAN-ին․ 6-րդ անգամ մասշտաբային ցուցահանդեսը բացված է. ՏԵՍԱՆՅՈՒԹ
05.09.2025 | 23:34
Վճարովի բովանդակություն
Հատուկ առաջարկներ, զեղչեր և գնիջեցումներ՝ միայն TOON EXPO YEREVAN 2025-ի շրջանակում։ Այսօր՝ սեպտեմբերի 5-ին, արդեն 6-րդ անգամ տեղի ունեցավ Big Projects ընկերության կազմակերպած անշարժ գույքի և կառուցապատման ոլորտի միջազգային ամենամեծ և մասշտաբային ցուցահանդեսի՝ TOON EXPO-ի պաշտոնական բացումը։ Այն կանցկացվի 3 օր՝ մինչև սեպտեմբերի 7-ը ներառյալ, Մերիդիան ցուցահանդեսային կենտրոնում։ Այս տարի էքսպոյին միացել են աննախադեպ մեծ թվով խոշոր կառուցապատող ընկերություններ։
«Շատ ուրախ ենք արդեն 6-րդ անգամ հյուրընկալել քաղաքացիներին և մեր գործընկերներին TOON EXPO-ի շատ կարևոր հարկի տակ։ Մենք մեր պաստառներից մեկի վրա այսօր նշել ենք, որ սա քաղաք է մեկ հարկի տակ, և, ընդհանրապես, TOON EXPO-ն քաղաքաշինության, կառուցապատման և անշարժ գույքի ոլորտի զարկերակը կարծես դարձած լինի կամա թե ակամա, որովհետև արդեն 6-րդ անգամ ամբողջ շուկան միավորում է, և այս անգամ աննախադեպ մասշտաբով, որովհետև չկա որևէ խոշոր կառուցապատող, որն այստեղ ներկայացված չէ»,- նշեց Big Projects ընկերության համահիմնադիր, Մարքեթինգի և հաղորդակցության բաժնի ղեկավար (կազմակերպիչ) Դիանա Հարոյանը։
120 ընկերություն, 150-ից ավելի նախագծեր, 30 հազարից ավելի բնակարան․ TOON EXPO-ի շրջանակում կառուցապատողներն այս տարի առաջարկում են գնիջեցումներ, որոնք էքսպոյից դուրս երբևէ չեն լինում։ Այս տարի հասանելի է նաև TOON EXPO-ի հավելվածը, որը սփյուռքի մեր հայրենակիցները, ինչպես նաև հայաստանցիները, որոնք չեն հասցնի ներկա լինել ցուցահանդեսին, կարող են ներբեռնել և դրա միջոցով ծանոթանալ էքսպոյի մասնակիցներին ու վերջիններիս առաջարկներին։
TOON EXPO YEREVAN 2025-ի շրջանակում սպասվում է նաև խոշոր խաղարկություն, որը կամփոփվի սեպտեմբերի 7-ին՝ Մերիդիան էքսպո կենտրոնում։ Ցուցահանդեսին կխաղարկվեն վաուչերներ՝ 5-10 հազար ԱՄՆ դոլարի շրջանակում։ Այսինքն՝ հնարավոր կլինի խնայել 30 հազար ԱՄՆ դոլարից ավելի գումար, եթե բնակարանը ձեռք բերեք հենց TOON EXPO-ի շրջանակում։ TOON EXPO-ի այցելուները հնարավորություն ունեն կատարելու գործարք հենց տեղում՝ 7 բանկերի մասնակցությամբ։
Ցուցահանդեսում ներկայացված են 15․000-ից ավելի բնակարաններ Երևանում և մարզերում, որոնք հնարավոր է ձեռք բերել հիպոթեքային վարկերով և նաև օգտվել եկամտային հարկի վերադարձից։ Այցելուներն ու մասնակիցները հնարավորություն ունեն տեղում ծանոթանալու 100-ից ավելի ընկերությունների առաջարկներին հետևյալ ոլորտներից՝ կառուցապատում, անշարժ գույքի գործակալություն, բանկային համակարգ, ներդրումային գույք՝ Հայաստանում և արտերկրում, անշարժ գույքի կառավարում։
Ինչ վերաբերում է մատակարարներին, ներկայացված են արևային վահանակներ՝ էներգախնայող լուծումների համար, շինարարական գործիքներ և տեխնիկա, ձայնային ու լուսային տեխնիկա՝ հարմարեցված ժամանակակից կյանքի պահանջներին, ջրամեկուսացման ու ջերմամեկուսացման համակարգեր։ Ի դեպ, ցուցահանդեսի մուտքն անվճար է բոլոր այցելուների համար։ TOON EXPO YEREVAN 2025-ի գլխավոր հովանավորը ML Mining-ն է, հիմնական գործընկերը՝ RED Invest Group-ը, հովանավորն է նաև՝ Majestic Residence-ը, պաշտոնական գործընկերը՝ Կառուցապատողների Հայկական Ասոցիացիան։
Մանրամասները՝ տեսանյութում։
Աննա Բաբաջանյան
