Ուկրաինան պատերազմում ենթադրաբար օգտագործում է Ադրբեջանին պատկանած ՄիԳ-29-ը․The War Zone

Ապացույցներ են հայտնվել, որ Ուկրաինան համալրել է իր ՄիԳ-29 Fulcrum կործանիչների նավատորմը որոշ չափով անսպասելի աղբյուրից՝ Ադրբեջանից: Չնայած ներգրավված ինքնաթիռների թիվը զգալի չէ, ՄիԳ-29 նավատորմի ցանկացած համալրում ողջունելի կլինի Ուկրաինայի ռազմաօդային ուժերի համար, որոնք նաև ստացել են Լեհաստանի և Սլովակիայի կողմից նվիրաբերված Fulcrum կործանիչներ, գրում է The War Zone-ը։

Լրատվամիջոցը գրում է, որ վերջերս սոցիալական ցանցերում շրջանառվող լուսանկարում պատկերված է Ուկրաինայի ռազմաօդային ուժերի ՄիԳ-29-ը՝ Ադրբեջանի կողմից օգտագործվող յուրահատուկ քողարկման սխեմայով, որը համատեղում է կապույտը, մոխրագույնը և մանուշակագույն-մոխրագույնը։

Լուսանկարի ամսաթիվը և վայրը անհայտ են, բայց ինքնաթիռը, կարծես, մարտական ​​առաքելության մեջ է՝ միջին հեռահարության R-27 (AA-10 Alamo) և կարճ հեռահարության R-73 (AA-11 Archer) օդ-օդ դասի հրթիռների լիարժեք սպառազինությամբ։ Թեև հնարավոր է, որ լուսանկարը մանիպուլյացիաների ենթարկվի, ներկայումս ոչինչ չի վկայում այն ​​մասին, որ այն իսկական չէ։

Թեև նախկինում լուրեր էին շրջանառվում, որ առնվազն մի քանի ադրբեջանական ՄիԳ-29-եր նվիրաբերվել են Ուկրաինային կամ այլ կերպ հայտնվել են ուկրաինական ծառայության մեջ։   2022 թվականի ամռանը X-ի Caucasuswar էջը հրապարակել էր լուսանկար, որտեղ երևում էր, թե ինչպես են Ուկրաինայի Լվովի պետական ​​ավիացիոն վերանորոգման գործարանում վերանորոգման փուլում գտնվող երեք ադրբեջանական ՄիԳ-29-եր։

Հստակ չէ՝ արդյո՞ք ադրբեջանական ՄիԳ-29-երը նվիրաբերվել են Կիևին, թե վաճառվել։ Ուշագրավ է, որ Ադրբեջանի ՄիԳ-29 ինքնաթիռները  ի սկզբանե եղել են ուկրաինական։ Ադրբեջանը  ՄիԳ-29-երը ոչ թե ժառանգել է խորհրդային պաշարներից, այլ 15 օրինակ ձեռք է բերել հենց Ուկրաինայից։ Դրանք վերանորոգվել են Լվովում, իրականացվել են արդիականացման աշխատանքներ, և մատակարարումները սկսվել են 2007 թվականին։

2015-2017 թվականներին ադրբեջանական ՄիԳ-29-երը մասնակցել են Թուրքիայի ռազմաօդային ուժերի հետ համատեղ զորավարժությունների,  իսկ 2017 թվականից սկսած՝ Լվովում անցել վերանորոգում։

Թարգմանությունը՝ Էմմա Չոբանյանի