29.04.2026 | 10:12
Հայտնի է Արման Ծառուկյանի հաջորդ մրցակիցը RAF-ում
Իսրայելի բանակը հաստատել է, որ հարվածել է Գազայում բազմահարկ շենքին․ ՏԵՍԱՆՅՈՒԹ
Քաղաքականություն
05.09.2025 | 18:20
Իսրայելի պաշտպանության բանակը հաստատել է, որ այսօր ավելի վաղ հարվածել է Գազա քաղաքում գտնվող բարձրահարկ շենքին։ Սա տեղի է ունեցել լրատվամիջոցների կողմից տարածված այն տեղուկությունների ֆոնին, ըստ որոնց՝ Ալ-Մուշթահա աշտարակին երեք հարված է հասցվել, գրում է The Times of Israel-ը։
Զինվորականների խոսքով՝ շենքը ՀԱՄԱՍ-ի կողմից օգտագործվում էր որպես գործառնական ենթակառուցվածք, այդ թվում՝ աշտարակի տակ գտնվող ստորգետնյա կառույցները, որոնք օգտագործվում էին հարձակումներ պլանավորելու, Իսրայելի պաշտպանության բանակի ուժերի դեմ դարանակալումներ կազմակերպելու և ահաբեկիչների համար փախուստի ուղիներ ապահովելու համար։
Իսրայելի պաշտպանության բանակը հայտարարում է, որ հարվածից առաջ միջոցներ է ձեռնարկել քաղաքացիական բնակչությանը հասցված վնասը նվազեցնելու համար, այդ թվում՝ նախազգուշացումներ է տվել, կիրառել է ճշգրիտ զինամթերք, իրականացրել է օդային հսկողություն և օգտագործել է լրացուցիչ հետախուզական տվյալներ։
Ավելի վաղ Գազայից կադրերում երևում էր ծխի մեծ ամպ, որը բարձրանում էր տարածքից, այն բանից հետո, երբ բնակիչներին հրահանգվել էր տարհանվել։ Դեռևս պարզ չէ՝ զոհեր կան, թե ոչ։
Հավելենք, որ Իսրայելի բանակը հայտարարել էր, որ վերահսկում է Գազա քաղաքի 40%-ը։«Մենք շարունակում ենք վնասել ՀԱՄԱՍ-ի ենթակառուցվածքները: Այսօր մենք վերահսկում ենք Գազա քաղաքի տարածքի 40%-ը», – մամուլի ասուլիսում հայտարարել էր Իսրայելի բանակի խոսնակ, բրիգադի գեներալ Էֆի Դեֆրինը՝ հավելելով․
«Գործողությունը կշարունակի ընդլայնվել և ինտենսիվանալ առաջիկա օրերին։ Մենք կշարունակենք հետապնդել ՀԱՄԱՍ-ին ամենուրեք», – ասել էր նա՝ նշելով, որ առաքելությունը կավարտվի միայն այն ժամանակ, երբ Իսրայելի մնացած պատանդները վերադարձվեն և ՀԱՄԱՍ-ի կառավարումն ավարտվի։
Թարգմանությունը՝ Էմմա Չոբանյանի
