14.04.2026 | 23:28
Կրեմլը վերանայում է ինտերնետի սահմանափակումների նկատմամբ մոտեցումը՝ վախենալով Պուտինի վարկանիշի անկումից․ Bloomberg
ԼՂՀ բնակիչներից 16 000-ից ավելին ձեռք է բերել ՀՀ քաղաքացիություն․ Արմեն Ղազարյան
Հասարակություն
05.09.2025 | 11:55
Սեպտեմբերի 2-ի դրությամբ ԼՂՀ-ից տեղահանված մեր հայրենակիցներից 16 000-ից ավելի անձինք ստացել են ՀՀ քաղաքացիություն, այս մասին ԱԺ պաշտպանության և անվտանգության մշտական հարցերի հանձնաժողովի նիստում տեղեկացրեց ՆԳ փոխնախարար Արմեն Ղազարյանը։
Փոխնախարարը մանրամասնեց, որ ունենք 11 հազար 259 անձ, որոնք նախագահի հրամանագրով ստացել են ՀՀ քաղաքացիություն և 5000-ից ավելի անչափահաս, ովքեր ծնողների անձնագրերի փոփոխությամբ պայմանավորված ձեռք են բերել ՀՀ քաղաքացիություն։
Արմեն Ղազարյանը նաև հայտնեց, որ ԼՂՀ-ից տեղահանվածներին ՀՀ քաղաքացիություն տրամադրելու գործընթացը դյուրացնելու և գործընթացներն ակտիվացնելու ուղղությամբ քայլեր են իրականացվում:
«Քաղաքացիության գործերը վարվում էին կենտրոնացված համակարգի միջոցով: «Հիմա մարզերում մեր բոլոր ստորաբաժանումներն արդեն ԼՂ-ից տեղահանված անձանցից ընդունում են քաղաքացիության դիմումներ: Երևանում ունեինք 1 կետ, ավելացրել ենք ևս 1 կետ»,- ասաց փոխնախարարը:
Մանրամասները՝ տեսանյութում։
Մանյա Պողոսյան
