30.03.2026 | 22:35
Հայաստանի ամերիկյան համալսարանը մարտի 31-ից կվերադառնա առկա ուսուցման ձևաչափին
Ինչ անեմ իմ որդին ա, էթամ հրաժարվե՞մ իմ որդուց. Սասուն Միքայելյան. ՏԵՍԱՆՅՈՒԹ
Քաղաքականություն
22.10.2018 | 18:42
Ինձ համար մեծ առավելություն էր, որ ՔՊ-ն չի պաշտպանել իմ որդուն: Այս մասին այսօր՝ հոկտեմբերի 22-ին, ՀՀ Ազգային ժողովում լրագրողների հետ զրույցում հայտարարեց «Ելք» խմբակցության պատգամավոր Սասուն Միքայելյանը՝ անդրադառնալով Հրազդանում տեղի ունեցած ՏԻՄ ընտրություններին որդու՝ Սևակ Միքայելյանի հաղթանակին:
«Ինձ համար մեծ առավելություն էր, որ ՔՊ-ն չի պաշտպանել իմ որդուն, որ նախ՝ որպես Սևակ Միքայելյան, կարող էր ձայներ հավաքել: Ո՞վ իրավունք ունի իմ որդու իրավունքները սահմանափակի: Չվերցնեմ՝ ՔՊ անդամներից, հանրապետության քաղաքացիներից մեկն ա: Ի՞նչ անեմ՝ իմ որդին է, էթամ հրաժարվե՞մ իմ որդուց: Մի՞թե քիչ բան եմ արել էս երկրի համար»,- հավելեց Սասուն Միքայելյանը:
Պատգամավորի խոսքով՝ իր որդին հաղթել է ազատ մրցակցության արդյունքում. «Ընտրությունները շատ արդար են եղել, թող գնան տեղամասեր, եթե ինչ-որ տեղ պրոբլեմ է եղել կամ ընտրախախտում է եղել, թող ասեն»:
Մանրամասները՝ տեսանյութում:
