07.12.2025 | 18:30
Իրավիճակը՝ 18:10-ի դրությամբ․ հանրապետության որոշ հատվածներում ձյուն է տեղում, որոշներում՝ ձնախառն անձրև
Փարիզում ավարտվել է Ուկրաինայի հարցով «կամավորների կոալիցիայի» հանդիպումը. առաջիկայում սպասվում է զանգ Թրամփին
Քաղաքականություն
04.09.2025 | 18:30
Փարիզում ավարտվել է Ուկրաինայի հարցով «կամավորների կոալիցիայի» հանդիպումը։ Այս մասին Европейская правда-ի թղթակցին հայտնել են Ելիսեյան պալատից։
Հաղորդվում է, որ սեպտեմբերի 4-ին Փարիզում անցկացված հանդիպումն ավարտվել է և Ուկրաինայի նախագահ Վլադիմիր Զելենսկին լքել է Ելիսեյան պալատը։ Առջևում ԱՄՆ նախագահ Դոնալդ Թրամփի հետ հեռախոսազրույցի նախապատրաստական հանդիպումն է, որը նախատեսված է Կիևի ժամանակով ժամը 15:00-ին։ Հանդիպմանը մասնակցել են Եվրոպայի և աշխարհի այլ մասերի ավելի քան 30 երկրների ներկայացուցիչներ։ Անձամբ ներկա են եղել ԵՄ վեց առաջնորդներ, ԵՄ ղեկավարությունը և Ուկրաինայի նախագահը, իսկ մնացածը միացել են տեսակապի միջոցով։
Ոչ պաշտոնական տեղեկությունների համաձայն՝ Թրամփի հետ զրույցին կմասնակցեն այն եվրոպացի առաջնորդները, որոնք օգոստոսի 18-ին մեկնել էին Վաշինգտոն, Ուկրաինայի նախագահը գնացել է ԱՄՆ նախագահի հատուկ բանագնաց Սթի Ուիթկոֆի հետ հանդիպման, ԵՄ առաջնորդները, իրենց հերթին, համատեղ ճաշ կունենան, բայց ժամը 15:00-ին բոլորը կհավաքվեն Թրամփին զանգահարելու համար:
Ֆրանսիայի նախագահ Էմանուել Մակրոնը կոալիցիայի հանդիպումից առաջ հայտարարել էր, որ դաշնակիցներն ավարտել են Ուկրաինայի անվտանգության երաշխիքների վերաբերյալ աշխատանքները և այժմ պատրաստ են քաղաքական հաստատմանը։
Թարգմանությունը՝ Էմմա Չոբանյանի
