Մեկը չկա՞, Փաշինյանին ասի՝ էս ի՞նչ եք անում, ասաց՝ «Կառավարությունը ես եմ», չկա՛ իրավական համակարգ, «ես եմ»-ների մեջ է․ Ժաննա Ալեքսանյան. ՏԵՍԱՆՅՈՒԹ

ՄԻԵԴ-ում Բաքվում պահվող գերիների շահերի պաշտպան Սիրանույշ Սահակյանն ահազանգել էր, որ  հայ գերիների շրջանում եղել են ինքնասպանության փորձեր։ Ըստ նրա՝ փորձ իրականացնողները եղել են ոչ թե Արցախի ռազմաքաղաքական ղեկավարության, այլ մյուս գերիների շրջանում: Լրագրողներ հանուն մարդու իրավունքների ՀԿ նախագահ, իրավապաշտպան Ժաննա Ալեքսանյանը Factor TV-ի հետ հարցազրույցում նշեց, որ արդյունավետ չի համարում գերիներին վերադարձնելու իշխանության ջանքերը․

«Փաշինյանն այդքան ջերմ լուսանկարվում է Ալիևի հետ, գերիների հարցը չի բարձրացնում, որ ի՞նչ, անտարբերություն է։ Չեմ վստահում Փաշինյանին, որ դիմել է Թրամփին՝ հայ գերիների հարցով․ ինչո՞ւ Ալիևին չի դիմում, սկզբունքային դիրքորոշում ունենա»։

Մայր Աթոռն անդրադարձել էր Միքայել արքեպիսկոպոս Աջապահյանի կալանքի ժամկետը ևս մեկ ամսով երկարաձգելու որոշմանը, նշելով, որ այն եղել է «օրենքի և իրավունքի կոպտագույն ոտնահարմամբ»: Մայր Աթոռ Սուրբ Էջմիածինը հայտարարել է. «Խիստ բացահայտ է, որ դատարանը, արդարադատություն իրականացնելու փոխարեն, ակնհայտորեն միացել է իշխանությունների հրահրած հակաեկեղեցական արշավին՝ ստանձնելով եկեղեցականների և Եկեղեցուն աջակցող անձանց նկատմամբ հաշվեհարդար կիրառելու անպատվաբեր դերակատարություն»։  Ժաննա Ալեքսանյանն այստեղ քաղաքականապես մոտիվացված պրոցես է տեսնում․

«Ես ակնածանքով եմ վերաբերվում Միքայել սրբազանին, չեմ համարում, որ ռազմական հեղաշրջման կոչ է արել։ Մեկը չկա՞, Փաշինյանին ասի՝ էս ի՞նչ եք անում, ասաց՝ «Կառավարությունը ես եմ», չկա՛ իրավական համակարգ, «ես եմ»-ների մեջ է։ Կեղծ մեղադրանքներ են բարձրաստիճան հոգևորականների դեմ, եկեղեցու դեմ է սա արվում, դատարկություն է, տեսնենք ինչ ապացույցներ են բերելու։ Միքայել սրբազանը այդ խոսքով ի՞նչ պիտի աներ, դա ռազմական հեղաշրջման կոչ չէ․ անձնական օրագիրն անթույլատրելի ապացույց է»,- ասաց նա։

Հարցազրույցն ամբողջությամբ՝ տեսանյութում։

Ռոբերտ Անանյան