13.06.2026 | 00:58
ԱԱ-2026․ Կանադան խուսափեց պարտությունից Բոսնիա և Հերցեգովինայի դեմ խաղում․ ՏԵՍԱՆՅՈՒԹ
«Անգնահատելի է հայ ժողովրդի զավակների ներդրումը Ռուսաստանի հասարակական-քաղաքական ու մշակութային կյանքում». Էդուարդ Շարմազանով
Քաղաքականություն
22.10.2018 | 18:59
ՀՀ ԱԺ փոխնախագահ Էդուարդ Շարմազանովը ՌԴ աշխատանքային այցի շրջանակում հոկտեմբերի 22-ին Մոսկվայի պետական պատմության թանգարանում հանդիպել է Ռուսաստանի պատմական միության նախագահության անդամ, «Հայրենիքի պատմություն» ֆոնդի գործադիր տնօրեն Կոնստանտին Մոգիլեւսկու հետ:
Հանդիպման ընթացքում կողմերը քննարկել են հայ-ռուսական դարավոր դաշնակցային հարաբերությունների զարգացմանն առնչվող հարցեր: Զրուցակիցները կարեւորել են երկու բարեկամ ժողովուրդների պատմությանը նվիրված համաժողովների անցկացումը եւ այդ համատեքստում ընդգծել այս տարի Մոսկվայում հայ-ռուսական ռազմական եղբայրությանը նվիրված միջոցառման կազմակերպումը, որի թեման կլինի Հայրենական մեծ պատերազմում հայերի մասնակցությունը:
Էդուարդ Շարմազանովը նշել է, որ դեռեւս Կիեւյան Ռուսիայի ժամանակաշրջանում երկու ժողովուրդների միջեւ ձեւավորվել են տնտեսական, ռազմական, քաղաքական եւ մշակութային կապեր, հայերը մեծ մասնակցություն են ունեցել թե Ռուս-թուրքական, թե Հայրենական մեծ պատերազմներում, բազմաթիվ հայ գեներալներ ու սպաներ իրենց ուրույն մասնակցությունն են ունեցել ռուսական կայսրության հզորացման գործում:
«Անգնահատելի է հայ ժողովրդի զավակների ներդրումը Ռուսաստանի հասարակական-քաղաքական ու մշակութային կյանքում: Հայ ժողովրդի զավակներն էական ներդրում են ունեցել ֆաշիզմի դեմ պայքարում: Հայրենական մեծ պատերազմում վեց հարյուր հազարից ավելի հայորդիներ մեկնեցին ռազմաճակատ, որից երեք հարյուր տասնչորսը զոհվեցին: Մենք պետք է միասնաբար պայքարենք ֆաշիզմի, ռասիզմի, ռազմական հռետորաբանության եւ այլատյացության ցանկացած դրսեւորման դեմ»,-ընդգծել է ՀՀ ԱԺ փոխնախագահը:
