29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Իշխանությունը, որ ասում է՝ ԼՂ-ի էջը փակում ենք, թող ուժ գտնի և ասի՝ ՀՀ-ն պարտվել է, չե՛նք ուրանում․ Աննա Գևորգյան․ ՏԵՍԱՆՅՈՒԹ
Քաղաքականություն
03.09.2025 | 19:20
Քաղաքակրթական և մշակութային հետազոտությունների կենտրոնի վերլուծաբան, իրանագետ Աննա Դավթյան-Գևորգյանը Factor TV-ի հետ զրույցում անիրատեսական է համարում արցախահայերի վերադարձի հարցը բանակցային օրակարգում ներառելու ընդդիմության պահանջները․
«Արցախ հայերի վերադարձից խոսելը բացի մարդկանց հույզերի հետ խաղալուց՝ որևէ քաղաքական ծրագիր չի ներառում, լոզունգային մակարդակում են հարցերին անդրադառնում։ Նա, ով այսօր խոսում է Արցախ հայերի վերադարձից, 9-ամսյա բլոկադայի օրերին քննարկում էր անկախության մասին՝ փոխանակ ժողովրդին ճշմարտությունն ասեին, որ գոնե փորձենք երկխոսել և Եվլախ գնանք հասկանալու՝ ի՞նչ պայմաններով կարող ենք մնալ կամ ոչ։ Նրանք քննարկում էին՝ կամ անկախություն ենք ձեռք բերում, կամ այստեղ մնալն արդեն անհնար է»,- նշում է Աննա Դավթյան-Գևորգյանը։
Փորձագետն ընդգծում է՝ իշխանությունը սխալներ է թույլ տվել, բայց խնդիրն այն է, որ ընդդիմությունը երբեք չի խոսում ՌԴ-ի չկատարած պարտավորությունների մասին․
«Ծուղակ է չասելը, թե ինչու ՌԴ-ն չկանխեց պատերազմը ԼՂ-ի դեմ, ռեգիոնում ուժային բալանսը փոխվել էր։ Կա մեղավորություն, որ թույլ տվեց ուժի կիրառումը, ՌԴ-ն որպես դաշնակից չկանխեց պատերազմը։ Իշխանությունն ունի սխալներ, բայց ընդդիմությունը չի ասում՝ ՌԴ-ն չէր կարողանում ապահովել նոյեմբերի 9-ի կատարումը Ադրբեջանի կողմից։ ՌԴ-ն պարտավոր էր կանխել պատերազմը, բայց Ադրբեջանը ներխուժեց ՀՀ-ի տարածք, Արցախի դեմ ուժ կիրառվեց»։
Աննա Դավթյան-Գևորգյանը խոսելլ է նաև օգոստոսի 8-ին նախաստորագրված համաձայնագրի, դրա կատարման հավանականության, խաղաղության հաստատման մասին իշխանության պնդումների, ադրբեջանցիների՝ ՀՀ վերադարձի և ԼՂ հայերի վերադարձի հարցերը զուգահեռելու, ռեգիոնալ անվտանգության այլ թեմաների մասին։
Հարցազրույցն ամբողջությամբ՝ տեսանյութում։
Ռոբերտ Անանյան
