21.01.2026 | 23:30
Ինչ իրավիճակ է Հայաստանի ճանապարհներին և Լարսում
«East-West Residency» ծրագիրն արդեն բաց է Հայաստանում բնակվող արվեստագետների համար». Լիլիթ Մակունց
Մշակույթ
22.10.2018 | 18:00
Աշխատանքային թռուցկաժողովում ՀՀ մշակույթի նախարարի պաշտոնակատար Լիլիթ Մակունցն այսօր ներկայացրեց նախորդ շաբաթ իրականացրած բրյուսելյան այցի արդյունքը՝ նշելով, որ ունեցել է մի շարք կարևոր ու հետաքրքիր հանդիպումներ: Այդ թվում՝ հոկտեմբերի 17-ին Բրյուսելում մասնակցել է «East-West Residency» ծրագրի մեկնարկին նվիրված միջոցառմանը: Ծրագիրը ՀՀ մշակույթի նախարարության, «Պողոսյան» և «Ստեղծագործ Հայաստան» («Creative Armenia») հիմնադրամների համագործակցության արդյունքն է. փոխանցում է նախարարության լրատվական վարչությունը:
«Բրյուսելում մեկնարկած դրամաշնորհային ծրագրի շրջանակում առնվազն երկու արվեստագետ 2019 թվականին հնարավորություն կունենան մեկ ամիս այնտեղ ստեղծագործելու, փորձի փոխանակում իրականացնելու և տեղի արվեստագետների հետ շփվելու: Այս ամենի համար արվեստագետները որևէ գումար չեն վճարելու, բայց կան սկզբունքներ, որոնք պետք է պահպանեն»,- ասաց Լիլիթ Մակունցը:
Նրա տեղեկացմամբ՝ ծրագրին մասնակցելու համար հայտերի ընդունման մեկնարկը կտրվի դեկտեմբերի 17-ին: Ընտրության ընթացքում շեշտը դրվելու է ստեղծարար մոտեցման վրա:
«Ընտրությունը կատարելու են «Պողոսյան» և «Ստեղծարար Հայաստան» հիմնադրամների ներկայացուցիչները:
«ՀՀ մշակույթի նախարարությունը տրամադրում է պետական աջակցություն՝ ընդգծելով, որ այս ծրագիրը կարևոր է մեր պետության, ինչպես նաև հայ արվեստագետների համար: Նպատակ ունենք հետագայում ընդլայնելու ծրագիրը՝ պայմանավորված, իհարկե, արդյունքով»,- ասաց նախարարի պաշտոնակատարը:
