04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Գագիկ Ծառուկյանը քաղաքում չէ. նա ԸՕ քվեարկությանը չի մասնակցի
Քաղաքականություն
22.10.2018 | 15:50
Ազգային ժողովը շարունակում է Ընտրական օրենսգրքի փոփոխությունների փաթեթի քննարկումը, որից անմիջապես հետո պետք է կազմակերպվի առաջին ընթերցմամբ քվեարկությունը։
ԸՕ -ի ընդունման համար անհրաժեշտ է 63 պատգամավորի կողմ քվե։ Այս պահին, սակայն, երկու պատգամավոր բացակայում են ԱԺ մեծությամբ երկրորդ՝ «Ծառուկյան» խմբակցությունից, բացակա են նաև ՀՀԿ-ական այն պատգամավորների մի մասը, որոնք կողմ էին արտահայտվել դեկտեմբերին արտահերթ ընտրությունների անցկացմանը։
Factor.am-ը Նաիրա Զոհրաբյանից հետաքրքրվեց՝ ԲՀԿ առաջնորդ Գագիկ Ծառուկյանը կգա՞ ԱԺ քվեարկությանը մասնակցելու. «Այս պահին նա քաղաքում չէ, չեմ կարծում, որ կհասցնի: Ես հույս ունեմ, որ այս խնդիրը կլուծենք՝ 63 հոգի ապահովելով»,- արձագանքեց Զոհրաբյանը։
Նշենք, որ այս պահին Ընտրական օրենսգրքին կողմ քվեարկելու մասին հայտարարել են ԱԺ «Ելք», «Ծառուկյան» և ՀՅԴ խմբակցությունները։
