24.04.2026 | 23:32
Կապանում ջրանջատում կլինի
Եթե մենք հիմա խոսում ենք սուպերվարչապետության մասին, վախենամ վաղը գնանք սուպերնախագահության համակարգի ամրապնդման․ Արմեն Ռուստամյան․ ՏԵՍԱՆՅՈՒԹ
Քաղաքականություն
22.10.2018 | 16:28
Ազգային ժողովի ՀՅԴ խմբակցության ղեկավար Արմեն Ռուստամյանի տպավորությամբ՝ հերթական անգամ ստեղծվել է խնդիր, որը խմբակցությունները պարտավորվում են հաղթահարել։
Այս մասին այսօր Ազգային ժողովի արտահերթ նիստում խմբակցության ղեկավարների ելույթների ժամանակ ասաց Արմեն Ռուստամյանը՝ նշելով, որ հրատապ կարգով նոր օրենսգիրքն ընդունելուց հետո ընտրության որակը տուժելու է, դեկտեմբերի ընտրությունները տուժելու են նաև հակառակ պարագայում, երբ դրանք անցկացվեն հին Ընտրական օրենսգրքով։
«Քաղաքական ուժերին պետք է ժամանակ տրվի ցուցակներ կազմել, վերադասավորվել, ժամանակն անհրաժեշտ է ոչ թե ժամավաճառությամբ զբաղվելու, այլ որակյալ ընտրություն անցկացնելու համար։ Մի՞թե մենք չենք տեսնում, որ ինքնանպատակ դեկտեմբեր ամիսը սահմանելով այդ որակն ենք խաթարում»,- ասաց ՀՅԴ խմբակցության ղեկավարը։
Դիտարկմանը, որ այս բարեփոխումների վերաբերյալ քննարկումներ խորհրդարանական խմբակցությունները դեռևս ամռան են սկսել, Արմեն Ռուստամյանն ասաց, որ այո՛ ամռանն աշխատանք է տարվել այդ ուղղությամբ, սակայն հարց է, թե առաջարկված փոփոխություններից քանի՞ տոկոսն է ընդունվել։
Արմեն Ռուստամյանը շեշտեց, որ նման հրատապությամբ ընտրության գնալն այլ մտահգություններ էլ է առաջացնում:
«Եթե մեկ քաղաքական ուժ ունենում է 2/3, որով կարող է փոփոխել Սահմանադրությունը, մեծ գայթակղության կունենա հետագայում իր իշխանությունն ուժեղացնելու։ Եթե մենք հիմա խոսում ենք սուպերվարչապետության մասին, վախենամ վաղը գնանք սուպերնախագահության համակարգի ամրապնդման»,-ասաց ԱԺ ՀՅԴ խմբակցության ղեկավարը։
Մանրամասները՝ տեսանյութում։
