16.07.2026 | 18:35
Վահագն Խաչատուրյանն ընդունել է Հայաստանում Ղազախստանի դեսպան Բոլատ Իմանբաևին
Պուտինն ու Ալիևը դեռ շփում չեն ունեցել․ ՌԴ նախագահի օգնական
Քաղաքականություն
31.08.2025 | 18:32
ՌԴ նախագահ Վլադիմիր Պուտինն ու Ադրբեջանի նախագահ Իլհամ Ալիևը, որոնք մասնակցում են ՇՀԿ գագաթնաժողովի շրջանակում անցկացվող միջոցառումներին, առայժմ միմյանց հետ չեն զրուցել, սակայն ռուսական և ադրբեջանական պատվիրակությունները ակտիվորեն շփվել են միմյանց միջև, հայտնել է ՌԴ նախագահի օգնական Յուրի Ուշակովը։
«Դեռևս, իմ կարծիքով՝ ոչ, բայց ռուսական պատվիրակության անդամները ակտիվորեն շփվել են իրենց ադրբեջանցի գործընկերների հետ»,-ասել է նա «Ինտերֆաքս»-ի հարցին ի պատասխան՝ արդյոք Ռուսաստանի և Ադրբեջանի նախագահներին հաջողվե՞ց շփվել Չինաստանում անցկացվող ՇՀԿ գագաթնաժողովի շրջանակներում։
Լրացուցիչ հարցին՝ առաջնորդները բարևե՞լ են միմյանց, Ուշակովը պատասխանել է․ «Բոլորը միմյանց բարևում են»։
Երկու ղեկավարներն էլ ներկա են եղել ՇՀԿ գագաթնաժողովի հյուրերի պատվի առթիվ կազմակերպված ընդունելությանը։
Հիշեցնենք՝ օգոստոսի 27-ին Ալիևը հայտարարել էր, որ իր երկիրը պատերազմի առաջին օրերից աջակցել է Ուկրաինայի տարածքային ամբողջականությանը՝ անվանելով իր դիրքորոշումը «միանշանակ»։ Բացի այդ, նա մեկնաբանել էր նաև Բաքվի և Մոսկվայի հարաբերություններում առկա մի շարք «տարաձայնություններ»՝ սկսած անցած տարվա վերջում տեղի ունեցած ադրբեջանական օդանավի աղետից մինչև ՌԴ տարածքում ադրբեջանական սփյուռքի անդամների ձերբակալությունները։ Ադրբեջանի՝ ԽՍՀՄ կազմի մեջ մտնելը նա անվանել էր «օկուպացիա»։
