09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Ռուս զինծառայողների շրջանում զոհերի ընդհանուր թիվն արդեն անցել է 200 հազարը. Meduza-ի և Mediazona-ի նոր հաշվարկը
Քաղաքականություն
31.08.2025 | 16:26
Այն բանից հետո, երբ «Ռոսստատ»-ը փակեց ընդհանուր մահացության տվյալները (ինչպես նաև շատ այլ տվյալներ), Ռուսաստանի ռազմական կորուստների վերաբերյալ բավականին ամբողջական և վստահելի միակ աղբյուրը դարձավ Ժառանգական գործերի ռեեստրի տվյալները (ԺԳՌ)։ Meduza-ն և Mediazona-ն այդ տվյալները համատեղ վերլուծում են 2023 թվականից։
Աղբյուրների փոխանցմամբ՝ վերջին հրապարակումից 6 ամիս է անցել, ռեեստրում կուտակվել են նոր տվյալներ։ Դրանք վկայում են, որ վերջին տարվա ընթացքում Ռուսաստանի կորուստները հասել են բոլորովին նոր մակարդակի։ Մի քանի անգամ զոհերի թիվը 1 շաբաթում գերազանցել է երկու հազարը, իսկ 2024-ի վերջին ամիսներին, հնարավոր է, նույնիսկ հասել է երեք հազարի։ Սակայն այդ պահից սկսած (և հատկապես վերջին ամիսներին) հաշվարկի մեթոդաբանության վրա սկսեց ազդել մի նոր գործոն, որն այս շարքի ուսումնասիրություններում նախկինում չէր հանդիպել․ դատարանի որոշմամբ անհետ կորածներին սկսեցին մահացած ճանաչել։
Առանց որևէ այլ աղբյուրի ներգրավման էլ ռեեստրի տվյալներով հնարավոր է հասկանալ տղամարդկանց և կանանց մահացության հարաբերակցությունը։ Խաղաղ ժամանակներում ժառանգության գործերի բացման թվերը տարբեր են եղել տղամարդկանց և կանանց համար։ Սակայն 2022-ի պատերազմից հետո տղամարդկանց գործերի թիվը կտրուկ՝ բազմակի անգամ աճել է, ինչը հնարավոր չէ բացատրել այլ կերպ, քան մահացության կտրուկ աճով։
Կորուստները կտրուկ աճել են և տարեցտարի հասնում են նոր ինտենսիվության մակարդակի։ Վերջին վեց ամսվա տվյալները ցույց են տալիս, որ 2024-ին կորուստները հասել են ռեկորդի։ Առանձին ժամանակահատվածներում ՌԴ ԶՈւ-ն շաբաթական կորցրել է ավելի քան երկու հազար մարդ, իսկ ընդհանուր առմամբ՝ 2024 թվականին մոտ 93 հազար զինծառայող է զոհվել։ Դա գրեթե կրկնակի ավելի է, քան 2023-ին, երբ զոհերի թիվը մոտ 50 հազար էր։
«Հաշվի առնելով կանխատեսման մոդելի բոլոր անորոշությունները՝ կարելի է գնահատել, որ 2025 թվականի ամռան ավարտին զոհված ռուս զինծառայողների ընդհանուր թիվը հասնում է մոտ 220 հազարի, որոնցից 56 հազարը՝ տարվա սկզբից»,-նշում են աղբյուրները։
Շարունակությունը՝ սկզբնաղբյուր կայքերում։
