28.08.2026 | 22:57
Վրաստանի նախագահը ներում է շնորհել 9 ակտիվիստի․ նրանցից մեկին ՌԴ արտաքսում է սպառնում
Ընտրական օրենսգիրքը կարող է ընդունվել առանց ՀՀԿ-ի կողմ քվեարկությա՞ն
Քաղաքականություն
22.10.2018 | 15:46
Ազգային ժողովի արտահերթ նիստում այսօր քննարկվում է Ընտրական օրենսգրքում փոփոխություններ կատարելու մասին նախագիծը, որը Կառավարությունն առաջարկում է ընդունել առաջին և երկրորդ ընթեցմամբ։
Օրենսգիրքն առաջին ընթեցմամբ ընդունելու համար անհրաժեշտ է պատգամավորների ձայների 2/3-ը՝ 63 քվե։ Հայաստանի Հանրապետական կուսակցությունը մինչ քվեարկությունը տարածեց հայտարարություն, որում նշված է, որ ՀՀԿ-ն կողմ չէ այս նախագծին։
ԱԺ ՀՀԿ-ական պատգամավոր Արմեն Աշոտյանն էլ խորհրդարանում իր ելույթի ժամանակ նշեց, որ խոշոր հաշվով՝ գործող իշխանությունը կարող է այս նախագիծն անցկացնել՝ առանց ՀՀԿ-ի կողմ քվեարկության՝ ապահովելով 63 կողմ ձայն։
Ստացվում է՝ այդ 63 կողմ ձայնը կարող է ապահովվել հետևյալ կերպ․ եթե Ընտրական օրենսգրքի բարեփոխումների նախագիծն առաջին ընթերցմամբ ընդունելուն կողմ քվեարկի ԱԺ ՀՀԿ խմբակցությունից դեկտեմբերին արտահերթ ընտրություններ անցկացնելու ստորագրահավաքին միացած 17 պատգամավոր, ԱԺ ՀՅԴ, «Ծառուկյան» և «Ելք» խմբակցություններն ամբողջ կազմով։
