30.03.2026 | 22:35
Հայաստանի ամերիկյան համալսարանը մարտի 31-ից կվերադառնա առկա ուսուցման ձևաչափին
Եթե կարծում եք, որ կոնսենսուս կա առանց ՀՀԿ-ի, բա էլ խի՞ եք մեզ համոզում․ Արմեն Աշոտյան․ ՏԵՍԱՆՅՈՒԹ
Քաղաքականություն
22.10.2018 | 14:47
Ազգային ժողովի «Հանրապետական» խմբակցության պատգամավոր Արմեն Աշոտյանն իր գործընկեր պատգամավորներին հիշեցնում է, որ Ընտրական օրենսգրքի փոփոխություններ այս արագությամբ ընդունել չի կարելի, քանի որ խոսքը գնում է Սահմանադրական օրենքի մասին։
«Արդյոք ժամանակային սահմանափակումն ու այդ հապճեպությունը նպաստելո՞ւ են ժողովրդավարության զարգացմանը։ Հարգելի՛ գործընկերներ, հոկտեմբերի 16-ին Կառավարությունը հաստատեց նախագիծը, 17-ին առաքեց խորհրդարան, նույն ժամանակահատվածում առաքեց Վենետիկ, հոկտեմբերի 22-ին արտահերթ նիստ ենք անում, երկու ընթերցմամբ էլ ուզում ենք անցկացնել։ Ժողովո՛ւրդ, սա տոների և հիշատակի մասին օրենք չի, սա Ընտրական օրենսգիրք է»,-ասաց պատգամավորը՝ միևնույն ժամանակ շեշտելով, որ դեկտեմբերի արտահերթ ընտրություններն անխուսափելի են և իրենց համար այ հարցը քննարկման ենթակա չէ։
Անդրադառնալով քաղաքական ուժերի միջև այս հարցով կոնսենսուսի առկայությանը՝ Աշոտյանը նշեց, որ իր համզոմամբ՝ ի՞նչ կոնսենսուս կարող է լինել առանց արմատական ընդդիմության։
«Եթե կարծում եք, որ կոնսենսուս կա առանց ՀՀԿ-ի, բա էլ խի՞ եք մեզ համոզում։ Այսօրվա գործող իշխանության հակադիր բևեռը ՀՀԿ-ն է, ի՞նչ կոնսենսուս առանց արմատական ընդդիմության»,- ասաց նա։
Արմեն Աշոտյանը նաև նշեց, որ Ընտրական օրենսգիրքը իշխող ուժը կարող է անցկացնել նաև առանց ՀՀԿ-ի, քանի որ իշխանությունն ԱԺ-ում կարող է ունենալ 63 ձայն։
«Իսկ եթե այդ տարբերակով այն ընդունեք, մեր երկրի վրա կախելու եք Դամոկլյան սուր»,- ասաց ՀՀԿ-ական պատգամավորը։
Մանրամասները՝ տեսանյութում։
