05.07.2026 | 12:54
Առանձնատանը կից շոգեբաղնիքում հրդեհ է բռնկվել․ դեպքի վայր է մեկնել 3 մարտական հաշվարկ
ԱԺ «Ծառուկյան» խմբակցությունը հուշագրին հավատարիմ կմնա, կողմ կքվեարկի ԸՕ բարեփոխումներին․ ՏԵՍԱՆՅՈՒԹ
Քաղաքականություն
22.10.2018 | 14:20
Ազգային ժողովում Ընտրական օրենսգրքի բարեփոխումների նախագծի քննարկման ժամանակ ԱԺ «Ծառուկյան» խմբակցության պատգամավոր Գևորգ Պետրոսյանն ասաց, որ իրենց քաղաքական թիմը կողմ է քվեարկելու առաջարկվող փոփոխությունների նախագծին ոչ միայն այն պատճառով, որ իշխող ուժի հետ ունի ստորագրած հուշագիր և հավատարիմ է դրա պայմաններին, այլ նաև նրա համար, որ առաջարկվող փոփոխությունները լավագույնս կանխում և բացառում են ընտրակեղծարարություններն ու ընտրախախտումները։
Այս մասին այսօր խորհրդարանում օրենսգրքի քննարկումների ժամանակ ասաց պատգամավորը՝ հավելելով, որ եթե այս նախագիծն ընդունվի, կարող ենք փաստել, որ քաղաքական կոնսենսուսի հարցը կարելի է համարել լուծված։
«Ո՞ր օրենսգիրքն է առավելապես նպաստում ընտրարշավի ժամանակ թաղային հեղինակությունների մրցարշավի վերացմանը, ո՞ր օրենսգիրքն է, որ ապահովում է քաղաքական բազմազանության ապահովումը։ Երբ այս հարցերի պատասխանները փորձում ես գտնել, ակնհայտ է դառնում, որ նոր օրենսգիրքը դրանք լավագույնս ապահովում է»,- ասաց պատգամավորը։
«Այս օրենսգիրքը առավելագույնս է ապահովում նաև ժողովրդի իրական կամքը իր նպատակին հասցնելու ողջամիտ հնարավորությունը»,- ասաց պատգամավորը։
Մանրամասները՝ տեսանյութում։
