14.09.2026 | 20:30
Ադրբեջանը սարքել է եվրոպացի դիվանագետների գլխին՝ մասնակից դարձնելով իր կազմակերպած շոուին․ Էդգար Առաքելյան. ՏԵՍԱՆՅՈՒԹ
Կեչառիս վանական համալիրի հարևանությամբ տեղի ունեցած մահվան ելքով դեպքի առթիվ վարույթ է նախաձեռնվել
Հասարակություն
29.08.2025 | 12:10
Ծաղկաձորի Կեչառիս վանական համալիրի հարևանությամբ տեղի ունեցած մահվան ելքով միջադեպի առթիվ քրեական վարույթ է նախաձեռնվել։ Այս մասին Factor TV-ին հայտնում են Քննչական կոմիտեից։
«Դեպքի առթիվ նախաձեռնվել է քրեական վարույթ՝ Քրեական օրենսգրքի 355-րդ հոդվածի 2-րդ մասով (շինարարական, լեռնահանքային կամ այլ աշխատանքների կատարման ընթացքում աշխատանքի պաշտպանության կամ անվտանգության ապահովման կանոնները կամ պահանջները խախտելը, որն անզգուշությամբ առաջացրել է մարդու մահ կամ այլ ծանր հետևանք)։ Կատարվում է նախաքննություն»,- հայտնում են ՔԿ-ից։
Հիշեցնենք, որ երեկ՝ օգոստոսի 28-ին, ողբերգական դեպք է տեղի ունեցել Ծաղկաձորի Կեչառիս վանական համալիրի մոտ գտնվող էլիտար թաղամասի հարևանությամբ։ Այստեղ հայտնաբերվել է երկու քաղաքացու դի։ Դեպքի վայրում հավաքված քաղաքացիները Shamshyan.com-ին հայտնել են, որ մահացածներն ու վիրավորները նշված վայրում երկաթե զրուցարան են տեղադրելիս եղել, երբ հավանաբար անզգուշաբար կպել են այդտեղով անցնող 10 000 վոլտ լարման հոսանքի լարերին և հոսանքահարվել։ Կայքի տեղեկություններով՝ մահացածները հարազատ եղբայրներ էին՝ Արմավիրի մարզի բնակիչներ։
Արաքս Մամուլյան
