01.04.2026 | 13:09
Ամուսինը կնոջը հասցրել է ինքնասպանության․ գործը ուղարկվել է դատարան
Վազգեն Սարգսյանի անվան ռազմական ակադեմիայում տեղի է ունեցել այս տարի ընդունված կուրսանտների երդման արարողությունը
28.08.2025 | 21:50
ՀՀ ՊՆ Վազգեն Սարգսյանի անվան ռազմական ակադեմիայում Օգոստոսի 28-ին տեղի է ունեցել այս տարի ընդունված կուրսանտների երդման հանդիսավոր արարողությունը․ այս մասին հայտնում են Պաշտպանության նախարարությունից:
Ապագա սպաները երդվել են ծառայել անձնվիրաբար, բարձր պահել ՀՀ բանակի պատիվը, սովորել բարձր առաջադիմությամբ և դառնալ օրինակելի սպաներ ու հրամանատարներ:
Ռազմական ակադեմիայի պետ, գնդապետ Արսեն Մանգասարյանը, կարևորելով բանիմաց ու գրագետ սպաների դերն ու նշանակությունը, շնորհավորել և արդյունավետ ուսումնառություն է մաղթել կուրսանտներին՝ վստահեցնելով, որ ակադեմիայի սպայական, դասախոսական կազմը ներդնելու է բոլոր ջանքերը՝ լավ մասնագետներ պատրաստելու, լավագույն փորձը փոխանցելու համար։
Միջոցառումը եզրափակվել է կուրսանտների հանդիսավոր երթով:
