04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Կաթվածահար երթևեկություն, մետրոյի փակ կայարաններ, տապալված ծառեր. Հռոմում հեղեղումների հետևանքները՝ ֆոտոշարքով
Քաղաքականություն
22.10.2018 | 13:29
Հռոմի որոշ հատվածներում հորդառատ անձրևների հետևանքով երթևեկությունը կաթվածահար է եղել, մետրոյի մի քանի կայարաններ փակվել են: Այս մասին գրում է Ինտերֆաքսը՝ վկայակոչելով իտալական Repubblica պարբերականը:
Իտալիայի մայրաքաղաքի հարավում ուժեղ քամիների հետևանքով ծառեր են տապալվել, փողոցներ են հեղեղվել: Արտակարգ իրավիճակի հետևանքով զոհերի և տուժածների մասին տեղեկություններ առայժմ չկան:
Տեղական լրատվամիջոցների փոխանցմամբ՝ ոստիկանությանը հաջողվել է փրկել երկու վարորդների, որոնք չեն կարողացել ինքնուրույն դուրս գալ մեքենաներից: Օդերևութաբաններն օդի ջերմաստիճանի՝ 10-15 աստիճանով նվազում են կանխատեսում: Առաջիկա օրերին եղանակային վատ պայմաններ են կանխատեսվում նաև երկրի հարավային Կամպանիա, Ապուլիա, Բազիլիկատա շրջաններում:
