12.09.2026 | 11:35
15-ամյան Անի Գևորգյանը սեպտեմբերի 11-ին դուրս է եկել տնից և չի վերադարձել․ ՆԳՆ
Գելենջիկի մոտակայքում՝ «Պուտինի պալատի» մոտ խոշոր հրդեհ է բռնկվել ուկրաինական անօդաչու թռչող սարքի պատճառով
28.08.2025 | 18:51
Կրասնոդարի երկրամասի Սև ծովի ափին՝ «Պուտինի պալատի» մոտ, ուկրաինական անօդաչու թռչող սարքի պատճառով խոշոր հրդեհ է բռնկվել։ Այս մասին հաղորդում է «Ագենստվո»-ն, որին վկայակոչում է Meduza-ն։
Օգոստոսի 28-ի առավոտյան Կրասնոդարի երկրամասի օպերատիվ շտաբը հայտնել է Կրինիցա գյուղի մոտակայքում անօդաչու թռչող սարքի անկման մասին։ Նշվում է, որ այն գտնվում է Իդոկոպաս հրվանդանից, որտեղ գտնվում է պալատը, ուղիղ գծով 10 կիլոմետր հեռավորության վրա։
Արտակարգ իրավիճակների նախարարության տվյալներով՝ հրդեհը ընդգրկել է 32 հազար քառակուսի մետր (3.2 հեկտար) տարածք։ 23 մարդ մնացել է ափին կրակի տակ արգելափակված և տարհանվել է նավակով։
Լրատվամիջոցը գրում է, որ ուկրաինական անօդաչու թռչող սարքերի հարձակումների ֆոնին՝ՌԴ նախագահ Վլադիմիր Պուտինը գործնականում դադարեցրել է Սոչի թռիչքները, որտեղ նախկինում անցկացնում էր իր ժամանակի զգալի մասը։
«Պրոյեկտ»-ը, հղում անելով աղբյուրին, 2024 թվականին գրել էր, որ դա պայմանավորված է նախագահի կյանքի համար ունեցած վախերով։
Թարգմանությունը՝ Էմմա Չոբանյանի
