05.10.2026 | 21:14
Վարչապետը հյուրընկալել է մի խումբ ուսուցիչների և շնորհավորել մասնագիտական օրվա առթիվ
Բաքվի դատարանում Արկադի Ղուկասյանի նախաքննական ցուցմունքներն են ներկայացվել
Քաղաքականություն
28.08.2025 | 17:45
Բաքվի զինվորական դատարանում այսօր շարունակվում է Արցախի ղեկավարների, տարբեր պաշտոնյաների շինծու գործերով դատական նիստը՝ դատավոր Զեյնալ Աղաևի նախագահությամբ։ Ադրբեջանական լրատվամիջոցերի հաղորդմամբ՝ դատավարության ժամանակ հրապարակվել են Արցախի նախկին նախագահ Արկադի Ղուկասյանի կողմից քրեական գործի նախաքննության ընթացքում տրված ցուցմունքներն ու գործին վերաբերող այլ փաստաթղթեր։
Մասնավորապես, Արկադի Ղուկասյանը նախաքննության ընթացքում տված իր ցուցմունքում նշել է, որ որպես Արցախի նախագահ՝ ինքն իրավասություն է ունեցել որոշումներ կայացնելու ցանկացած պաշտոններում նշանակման վերաբերյալ։ Միայն պաշտպանության նախարարի նշանակումը և պաշտոնից ազատումը, ըստ հրապարակված ցուցմունքի, տեղի են ունեցել ՀՀ ՊՆ-ի և նախագահ հետ համաձայնեցմամբ։
Ղուկասյանը, իբր, հայտարարել է, թե տարածաշրջան զենք է մատակարարվել միայն ՀՀ Պաշտպանության նախարարության կողմից, և Արցախի ՊՆ-ն փաստացի գործել է որպես ՀՀ ՊՆ-ի անբաժանելի մաս։
Նշվել է, որ Հայաստանից զենքը, զինամթերքը և մյուս բոլոր մատակարարումները տարածաշրջան են հասցվել Գորիս-Լաչին-Ստեփանակերտ և Վարդենիս-Քարվաճառ-Մարտակերտ-Ստեփանակերտ մայրուղիներով։
Դատական նիստը շարունակվում է։
Թարգմանությունը՝ Էմմա Չոբանյանի
