31.05.2026 | 18:10
Ժամանակը չէ. Քոչարյանը` իր ընտրվելու շանսերի մասին հարցին ի պատասխան. ՏԵՍԱՆՅՈւԹ
Կապիտուլյացիան արդեն եղել է, Արցախում հայ չկա․ ընդդիմության ասածն է՝ ձև տանք, որ չենք պարտվել․ տուն-տունի՞կ ենք խաղում. Հայկ Հովյան․ ՏԵՍԱՆՅՈՒԹ
Քաղաքականություն
28.08.2025 | 19:00
Արձակագիր Հայկ Հովյանը Factor TV-ի հետ զրույցում կարծիք է հայտնում, որ Վաշինգտոնում նախաստորագրված 17 կետանոց համաձայնագիրը թեև վերջնական խաղաղություն չի երաշխավորում, սակայն դրանով Ադրբեջանի նախագահ Իլհամ Ալիևի ախորժակն էականորեն զսպվում է։
«Նախաստորագրումը բարելավել է ՀՀ անվտանգային միջավայրը ինչ-որ չափով։ Սուպերխաղաղությունն անհնար է։ Ընդդիմությունն ասում է՝ դեմ չենք խաղաղությանը, բայց Ալիևը ծնկաչոք պիտի գա, ասի՝ կներեք, Արցախը ձեզ։ Իսկ մենք ի՞նչ ենք արել դրա համար»,- նշում է նա։
Անդրադառնալով այն գնահատականին, որ Վաշինգտոնի նախաստորագրումը կապիտուլյացիա է, Հովյանն ասում է․ «Կապիտուլյացիան արդեն եղել է՝ Արցախում հայ չկա․ ընդդիմության ասածն է՝ ձև տանք, որ չենք պարտվել, բայց տուն-տունի՞կ ենք խաղում։ Այդ մարդիկ պատերազմ են առաջարկում, Արցախն առանց կռվի անհնար է վերադարձնել, նոյեմբերի 9 կար՝ ՌԴ-ն թող պահեր, ինչո՞ւ չպահեց, դուրս եկավ։ Ասել՝ Արցախի էջը եթե թերթենք, ՀՀ-ի վերջը կգա, չի համապատասխանում իրականությանը, ՀՀ-ում ապրող ժողովուրդը համաձայն չէ»։
Հովյանը խոսել է նաև Թուրքիայի և Ադրբեջանի հետ հարաբերությունների հեռանկարի, խաղաղության կառուցման հավանականության, թշնամանքի և ատելության հաղթահարման հնարավորության, 2026-ի ընտրություններում ենթադրվող գլխավոր հարցադրման, մրցակից գաղափարախոսությունների, հարակից այլ թեմաների մասին։
Հարցազրույցն ամբողջությամբ՝ տեսանյութում։
Ռոբերտ Անանյան
