30.07.2026 | 22:30
Երևանի և 5 մարզի մի շարք հասցեներում էլեկտրաէներգիայի անջատումներ կլինեն
Իշխանությունը շոկային մեթոդով է ապաթշնամացման պրոցես տանում՝ կացնային հարվածներ են հայերի համար զգայուն հարցերի վրա․ Լաուրա Բաղդասարյան․ ՏԵՍԱՆՅՈՒԹ
Քաղաքականություն
27.08.2025 | 21:00
«Ռեգիոն» հետազոտական կենտրոնի տնօրեն Լաուրա Բաղդասարյանը Factor TV-ի հետ զրույցում ասում է, որ հատկապես օգոստոսի 8-ին Վաշինգտոնի համաձայնություններից հետո որոշակի փոփոխություն նկատել է ՀՀ-ի հասցեին Ադրբեջանի նախագահի խոսույթում։ Սակայն, ըստ նրա, դեռևս կոշտ և գրգռիչ մեկնաբանություններ արվում են։
«Ադրբեջանը զգուշացրել է ՀՀ-ին՝ ռևանշիզմը բացառել, բայց Ալիևն է վրեժխնդրություն կոչել ԼՂ-ի դեմ պատերազմը։ Օգոստոսի 8-ից հետո Նիկոլ Փաշինյանն ասաց՝ խաղաղություն հաստատվեց, բայց թշնամանքի ռեժիմը հայերի և ադրբեջանցիների մեջ շարունակվում է։ Ալիևը կոշտ խոսեց՝ ադրբեջանցիները չպիտի մոռանան հայերի ագրեսիան, իսկ Փաշինյանը մեղմացնում է գրգռիչ թեմաները։ Իշխանությունը շոկային մեթոդով է ապաթշնամացման պրոցես տանում՝ կացնային հարվածներ են հայերի համար զգայուն հարցերի վրա։ Ալիևն ասաց՝ հայերը կերել են մեր հացը և դաշույնով խփել․ դրանք խորհրդային տարիներ էին, ո՞նց են ադրբեջանական հաց կերել»,- ասաց Լաուրա Բաղդասարյանը։
Ըստ նրա՝ ԱՄՆ-ն Ադրբեջանին զենք չի մատակարարի, քանի դեռ ՀՀ-ի հետ պայմանագիր չի կնքվել․ պատերազմ չհրահրելու պայմանավորվածություն կա։
Լաուրա Բաղդասարյանը խոսել է նաև հասարակություններում առկա թշնամանքի մթնոլորտի հաղթահարման հավանականության և հնարավոր մեթոդների, խաղաղության և պատերազմի դիսկուրսների, արտաքին դերակատարների՝ ՀՀ-Ադրբեջան հարաբերությունների վրա ունեցած դերակատարման, հարակից այլ թեմաների մասին։
Հարցազրույցն ամբողջությամբ՝ տեսանյութում։
Ռոբերտ Անանյան
