10.12.2025 | 22:58
Տեղի է ունեցել Նիկոլ Փաշինյանի և Համբուրգի քաղաքապետի հանդիպումը
Ցեղասպանության հուշահամալիրի ու թանգարանի վերանորոգման համար հատկացվել է 800 մլն դրամ. նախարար․ ՏԵՍԱՆՅՈՒԹ
Տեսանյութեր
27.08.2025 | 17:00
Ցեղասպանության հուշահամալիրի ու թանգարանի վերանորոգման համար պետությունը հատկացրել է 800 միլիոն դրամ, տեղեկացնում է ԿԳՄՍ նախարար Ժաննա Անդրեասյանը։
Թե՛ թանգարանը, թե՛ հուշահամալիրը, նախարարի պնդմամբ, վատ վիճակում են եղել․ ջրահեռացման հետ կապված խնդիրներ են եղել, անձրևաջերերը հոսել են, վերանորոգման անհրաժեշտություն է առաջացել։ Անդրեասյանը վստահեցրեց, որ Ցեղասպանության զոհերի հուշահամալիրն ու թանգարանն ամբողջությամբ նույն տեսքով վերականգնվելու են, աշխատանքները նախատեսվում է ավարտել 300 օրում։
«Աշխատանքներն ընթացել են փուլայնությամբ, որը նախատեսված էր պայմանագրով, իսկ օրենսդրության բոլոր պահանջները պահպանված են։ Սա կարևորագույն հուշարձան է, և նախագծի մշակման փուլում որևէ բան չի կարող դրական եզրակացություն ստանալ, եթե չի անցել գիտամեթոդական խորհրդով»,- ասաց նախարարը։
Հիշեցնենք, որ օրերս Հայոց ցեղասպանության թանգարան-ինստիտուտը հաղորդագրություն էր տարածել, որ շուրջ երկու ամիս է՝ մեկնարկել է հուշահամալիրի և թանգարան-ինստիտուտի հիմնանորոգման աշխատանքների երկրորդ փուլը՝ Հավերժության տաճարի թեք մույթերի և վարչական մասնաշենքի տանիքի նորոգումը:
Ցեղասպանության թանգարանի և հուշահամալիրի վերանորոգման աշխատանքները, սակայն, տարբեր կերպ մեկնաբանվեցին։ Ֆեյսբուքում օգտատերերը գրառումներ էին անում ընդհուպ մինչև այն քանդելու վերաբերյալ։
Մանրամասները՝ տեսանյութում։
Մանյա Պողոսյան
