09.08.2026 | 15:31
Հրդեհը բռնկվել է տանը կից շոգեբաղնիքում․ ՆԳՆ
Նիկոլ Փաշինյանը չի բացառում, որ նախկին իշխանավորներից ոմանք կհամալրեն ՔՊ-ի շարքերը
Քաղաքականություն
22.10.2018 | 12:41
Արտահերթ խորհրդարանական ընտրությունների ընթացքում «Քաղաքացիական պայմանագիր» կուսակցության ընտրացուցակում, հնարավոր է լինեն մարդիկ, որոնք առնչվել են Հանրապետականի հետ: Այս մասին այսօր՝ հոկտեմբերի 22-ին, լրագրողների հետ զրույցում հայտարարեց ՀՀ վարչապետի պաշտոնակատար Նիկոլ Փաշինյանը:
«Հիմա, օրինակ, Ֆելիքս Ցոլակյանը նախարար է նշանակվել: Շատ կարևոր է արձանագրել, որ մենք իսկապես խնդիր ունենք համախմբել, կոնսոլիդացիայի ենթարկել, փորձ անել պրոֆեսիոնալ մարդկանց առաջ ճանապարհը չփակել: Եկեք նայենք՝ Սերժ Սարգսյանն ինչպե՞ս է երկար տարիներ պահպանել իշխանությունը. հիմնականում պրոֆեսիոնալների ներգրավելով»,- հավելեց Նիկոլ Փաշինյանը:
Սակայն, նրա հավաստմամբ, եթե կլինի որևէ պաշտոնյա, որը հընթացս կպարզվի, որ քրեորեն հետապնդելի արարք է թույլ տվել, նա կկանգնի դատարանի առաջ:
