15.06.2026 | 13:01
Կփոխվի ԱԺ պատգամավորների երդման տեքստը․ Ալեն Սիմոնյանն օրենսդրական 3 նախաձեռնության մասին է հայտնել
Նաիրա Զոհրաբյանը կոչ է անում սաբոտաժի ճանապարհով չգնալ․ ՏԵՍԱՆՅՈՒԹ
Քաղաքականություն
22.10.2018 | 11:53
Երկրում ստեղծված է ոչ ստանդարտ քաղաքական իրավիճակ՝ դեկտեմբերին պետք է լինեն արտահերթ ընտրություններ, հիմա այստեղ մենք պետք է լինենք կամ խոհեմ, կամ՝ ոչ․ այլ ընտրություն չկա։
Այս մասին այսօր ԱԺ արտահերթ նիստում ԸՕ փոփոխությունների վերաբերյալ քննարկումների ժամանակ ասաց ԱԺ «Ծառուկյան» խմբակցության պատգամավոր Նաիրա Զոհրաբյանը։
«Կամ մենք գնում ենք ընտրությունների նոր Ընտրական օրենսգրքով, որն, ինչպես ասում եք, բարելավում է ընտրական ընթացակարգերը, կամ դուք գնում եք սաբոտաժի ճանապարհով, և մենք դեկտեմբերյան ընտրություններին, որն անխուսափելի է, գնում ենք հին ճանապարհով»,- ասաց պատգամավորը։
Անդրադառնալով իր գործընկերների այն պատճառաբանություններին, որ Կառավարութունն առաջարկում է արագ ընդունել առաջարկվող նախագիծը, իսկ իրենք չեն հասցնում ծանոթանալ կատարված փոփոխություններին՝ Նաիրա Զոհրաբյանը հիշեցրեց, որ դեռևս ամռանն են պատգամավորներն աշխատել և ներկայացրել Ընտրական բարեփոխումների փաթեթ, ուստի այստեղ անհրաժեշտ է ունենալ ընդամենը ցանկություն՝ նոր օրենսգրքին կողմ քվեարկելու համար։
Հավելենք, որ ««Հայաստանի Հանրապետության ընտրական օրենսգիրք» ՀՀ սահմանադրական օրենքում փոփոխություններ և լրացումներ կատարելու մասին» օրենքի նախագծի քվեարկությունից առաջ «Ծառուկյան» խմբակցությունը վերցրեց 20 րոպե ընդմիջում։
Մանրամասները՝ տեսանյութում։
