17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
ՌԴ-ն և ԱՄՆ-ն Ուիթկոֆի այցի ընթացքում էներգետիկ գործարքներն են քննարկել․ Reuters
Քաղաքականություն
26.08.2025 | 15:46
Ռուս և ամերիկացի պաշտոնյաներն օգոստոսին կուլիսներում քննարկել են էներգետիկային վերաբերող մի քանի գործարք։ Այս մասին հաղորդում է Reuters-ը՝ հղում անելով հարցին ծանոթ հինգ անձանց, փոխանցում է BBC-ի ռուսական ծառայությունը։
Ըստ լրատվամիջոցի զրուցակիցների՝ այս համաձայնագրերը պետք է Կրեմլին խրախուսեին Ուկրաինայի հետ խաղաղության համաձայնագիր կնքել։ Մասնավորապես, խոսք է գնացել Exxon Mobil-ի կողմից «Սախալին-1» նախագծին վերադառնալու հնարավորության և Ռուսաստանի կողմից հեղուկ բնական գազի արտադրության նախագծերի համար ամերիկյան սարքավորումներ գնելու հեռանկարների մասին։
Գործակալության աղբյուրները հայտնել են, որ գործարքները քննարկվել են ԱՄՆ նախագահի հատուկ բանագնաց Սթիվ Ուիթկոֆի Մոսկվա կատարած վերջին այցի ժամանակ։ Դրանք քննարկվել են նաև Սպիտակ տանը Դոնալդ Թրամփի հետ։
Reuters-ի զրուցակիցներից մեկը հայտնել է, որ թեման բարձրացվել է նաև օգոստոսի 15-ին Ալյասկայում կայացած գագաթնաժողովի ժամանակ։
«Սպիտակ տունն իսկապես ցանկանում էր, որ Ալյասկայի գագաթնաժողովի արդյունքներով աղմկոտ վերնագրեր հայտնվեին խոշոր ներդրումային գործարքի մասին։ Այդպիսով, Թրամփը կզգար, որ ինչ-որ բանի է հասել»,- ասել է Reuters-ի աղբյուրը։
Սպիտակ տունը, ի պատասխան Reuters-ի մեկնաբանության խնդրանքին, հայտարարել է, որ Թրամփը և նրա ազգային անվտանգության թիմը շարունակում են համագործակցել ռուս և ուկրաինացի պաշտոնյաների հետ՝ սպանություններն ու պատերազմը դադարեցնելու համար, և հանրային տիրույթում այդ հարցերի հետագա քննարկումը չի բխում ԱՄՆ-ի շահերից։
Թարգմանությունը՝ Էմմա Չոբանյանի
