01.04.2026 | 13:44
Թրամփը հայտարարել է, որ ԱՄՆ-ը լրջորեն քննարկում է ՆԱՏՕ-ից դուրս գալու հարցը
WizzAir-ը մեկնարկում է Գյումրի-Լառնակա-Գյումրի ուղիղ չվերթներ
26.08.2025 | 16:33
2025 թվականի սեպտեմբերի 30-ից Wizzair ավիաընկերությունը մեկնարկում է Գյումրու «Շիրակ» օդանավակայանից դեպի Կիպրոսի Հանրապետության Լառնակա քաղաք ուղիղ չվերթները։
Ինչպես տեղեկացնում են ՏԿԵ նախարարությունից, չվերթները կիրականացվեն շաբաթական 2 անգամ՝ սեպտեմբերի 30-ից հոկտեմբերի 25-ը, երեքշաբթի եւ շաբաթ օրերին, իսկ հոկտեմբերի 30-ից հետո հինգշաբթի եւ կիրակի օրերին։
«Տոմսերն արդեն հասանելի են wizzair.com կայքում եւ WIZZ հավելվածում, իսկ արժեքները սկսվում են €14,99-ից։
ՀՀ տարածքային կառավարման եւ ենթակառուցվածքների նախարարությունը բարձր է գնահատում WizzAir ավիաընկերության հետ արդյունավետ համագործակծությունը, ինչը խթանում է Հայաստանում տարածքային համաչափ զարգացումը եւ ապակենտրոնացումը։ Գյումրու «Շիրակ» օդանավակայանը, որը Հայաստանում մեծությամբ երկրորդն է, պատրաստ է իրականացնել միջազգային չվերթեր եվրոպական ստանդարտներին համապատասխան»,- ասված է հաղորդագրությունում։
