20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Իրանցի պաշտոնյան հայտարարել է, որ ՌԴ-ն հետախուզական տվյալներ է փոխանցել Իսրայելին 12-օրյա պատերազմի ժամանակ
Քաղաքականություն
26.08.2025 | 14:43
Իրանի քաղաքական նպատակահարմարության որոշման խորհրդի անդամ Սեյեդ Մոհամմադ Սադրը հայտարարել է, որ հունիսին Իրանի և Իսրայելի միջև 12-օրյա հակամարտության ընթացքում Ռուսաստանմ Իսրայելին հետախուզական տվյալներ է տրամադրել իրանական ՀՕՊ համակարգերի տեղակայման վերաբերյալ։ Այս մասին նա հայտնել է Synergyir ալիքին տված հարցազրույցում, փոխանցում է The Insider-ը։
Սադրի խոսքով՝ իրադարձությունները ցույց են տվել, որ «Մոսկվայի հետ ռազմավարական դաշինքն անօգուտ է»։
«Ռուսաստանը միայն հայտարարել է, որ հավանություն չի տալիս Իսրայելի կողմից Իրանի վրա հարձակմանը, բայց իրականում օգնել է նրան»,- ասել է նա։
Պաշտոնյան նաև օրինակ է բերել Մոսկվայի համագործակցությունն այլ երկրների հետ։
«Նույն Թուրքիան ՆԱՏՕ-ի անդամ է։ Ի՞նչ է ՆԱՏՕ-ն։ Այն Ռուսաստանի դեմ է։ Ռուսաստանը համաձայնել է Թուրքիային վաճառել C-400։ Սա բոլորովին էլ ռազմավարական գործընկերության մասին չէ, որի մասին մենք երկար ժամանակ խոսում էինք»,- հավելել է իրանցի պաշտոնյան։
Միաժամանակ, նա ընդգծել է, որ Մոսկվայի ու Թեհրանի միջև հարաբերությունները պետք է պահպանվեն, սակայն «Ռուսաստանին չի կարելի վստահել»։
Ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ Իսրայելի հետ հակամարտությունում Իրանին ռազմական օգնություն ցուցաբերելու՝ Մոսկվայի պատրաստակամությունը կախված կլինի Թեհրանի պաշտոնական դիմումից, սակայն չէր պատասխանել հարցին՝ արդյո՞ք Ռուսաստանը պատրաստ է Իրանին մատակարարել հակաօդային պաշտպանության համակարգեր, օրինակ՝ C-300 կամ C-400 համալիրներ։
Թարգմանությունը՝ Էմմա Չոբանյանի
