09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
ՀՀ նախագահն ու ՄԱԿ ներկայացուցիչը քննարկել են առողջարար, բժշկական և սպորտային զբոսաշրջության զարգացման հնարավորությունները
Քաղաքականություն
22.08.2025 | 20:14
ՀՀ նախագահ Վահագն Խաչատուրյանն այսօր ընդունել է ՄԱԿ-ի Զբոսաշրջության համաշխարհային կազմակերպության գլխավոր քարտուղար Շեյխա Նասեր Ալ-Նուեյսին։ Նախագահը ողջունել է հյուրին և շնորհավորել նրան բարձր պաշտոնում ընտրվելու առիթով՝ հույս հայտնելով, որ կազմակերպության և Հայաստանի միջև համագործակցությունը շարունակական ու ակտիվ զարգացում կունենա։ Այս մասին տեղեկացնում են նախագահի աշխատակազմից։
«Շեյխա Նասեր Ալ-Նուեյսը իր հերթին շնորհակալություն է հայտնել ընդունելության և բարեմաղթանքների համար, նշելով, որ սա իր առաջին այցն է տարածաշրջան, և իր առաջին նպատակակետն ընտրել է հենց Հայաստանը։ Նա ընդգծել է, որ տպավորված է Հայաստանի բնական գեղեցկությամբ և զբոսաշրջության ոլորտի զարգացման տեմպերով, հայկական խոհանոցով, ինչպես նաև նկատել է երկրում առկա մեծ ներուժ՝ տարբեր զբոսաշրջային ուղղություններ զարգացնելու համար։
Հանդիպման ընթացքում կողմերը քննարկել են առողջարար, բժշկական և սպորտային զբոսաշրջության զարգացման հնարավորությունները, արտահայտել պատրաստակամություն՝ ձեռնարկել համատեղ քայլեր՝ կազմակերպության և Հայաստանի համագործակցությունը խորացնելու և տուրիստական ենթակառուցվածքները զարգացնելու ուղղությամբ»,- ասված է հաղորդագրությունում։
