09.07.2026 | 12:10
Բայրամովը ՀՀ Սահմանադրությունից է խոսել // Ձերբակալվել է «Մայր Հայաստան»-ից Արեգնազ Մանուկյանը․ ԼՈՒՐԵՐ
Հյուսիս-հարավի՝ Քաջարան-Ագարակ ճանապարհահատվածում կատարվում են թունելի հորատման աշխատանքներ․ ԼՈՒՍԱՆԿԱՐՆԵՐ
Տնտեսություն
22.08.2025 | 12:13
Ճանապարհային դեպարտամենտ հիմնադրամից հայտնում են, որ Հյուսիս-հարավի Տրանշ-4-ի Քաջարան-Ագարակ 32կմ ճանապարհահատվածի կառուցումն ընթանում է մեծ տեմպերով։
«Իրականացվում են հողային, տրանսպորտային օբյեկտների կառուցման, թունելի հորատման աշխատանքներ։ Հիշեցնենք, որ արդեն մեկնարկել են երկրորդ թունելի փորման աշխատանքները, որն ունենալու է մոտ 530մ երկարություն։ Կապալառու կազմակերպությունն այստեղ արդեն հորատել է մոտ 40մ։
Նշենք, որ շինհրապարակում ընդլայնվել են աշխատանքային տեղամասերը։
Երեք տեղամասերում կազմակերպվել է կամուրջների և ուղեանցների երկաթբետոնե հեծանների արտադրություն։ Երկու տեղամասերում արդեն իսկ արտադրությունը սկսվել է, իսկ մեկ տեղամասում կատարվում են արտադրության նախապատրաստական աշխատանքները։ Արտադրական պրոցեսը և արտադրանքի որակը վերահսկվում են տեխնիկական հսկողի կողմից և համապատասխան ստուգափորձերով»,- ասված է հաղորդագրությունում։
