12.09.2026 | 11:35
15-ամյան Անի Գևորգյանը սեպտեմբերի 11-ին դուրս է եկել տնից և չի վերադարձել․ ՆԳՆ
ՌԴ ԱԴԾ-ն պնդում է, որ Բրյանսկի մարզում երեք ուկրաինացի դիվերսանտ է ձերբակալվել
Քաղաքականություն
20.08.2025 | 15:27
ՌԴ Անվտանգության դաշնային ծառայությունը պնդում է, որ իր աշխատակիցները Բրյանսկի մարզում ձերբակալել են ուկրաինական դիվերսիոն-հետախուզական խմբի երեք անդամների։ ԱԴԾ հասարակայնության հետ կապերի կենտրոնը հայտնել է, որ ևս երեքը սպանվել են, գրում է BBC-ի ռուսական ծառայությունը։
ԱԴԾ-ն հայտարարել է, որ դեպքի վայրում առգրավվել են «ամերիկյան արտադրության վեց ավտոմատ հարձակողական հրացաններ՝ լուռ կրակոցների համար նախատեսված սարքերով, չեխական արտադրության 16 կգ պլաստիկ պայթուցիկ նյութեր, մեծ քանակությամբ ՆԱՏՕ-ական նմուշի նռնակներ և փամփուշտներ, ինչպես նաև կապի կայան»։
Ռուսական ուժայիններին մոտ կանգնած Mash տելեգրամյան ալիքն էլ հաղորդում է, որ դիվերսիոն խումբը մտադիր է եղել պայթեցնել Բրյանսկի և Կալուգայի մարզերի սահմանին գտնվող երկաթուղային հանգույցը այն ժամանակ, երբ դրանով պետք է անցներ վառելիքով և քսանյութերով բեռնված գնացք։
ԱԴԾ-ն նաև պնդում է, որ ձերբակալված դիվերսանտները ներգրավված են եղել Բելգորոդի մարզում 2024 թվականի սեպտեմբերին երկաթուղու պայթյունների մեջ։
