24.06.2026 | 07:58
ԱԱ-2026. Կոլումբիան հաղթեց ու նվաճեց փլեյ-օֆֆի ուղեգիր. ՏԵՍԱՆՅՈՒԹ
1000 զոհված զինվորականի մարմին է փոխանցվել Ուկրաինային
Քաղաքականություն
19.08.2025 | 15:47
Օգոստոսի 19-ին Ուկրաինային է փոխանցվել 1000 զոհված զինծառայողի մարմին, հաղորդում է ՌԲԿ Ուկրաինան։
Ռազմագերիների հետ վերաբերմունքի համակարգող շտաբի տվյալներով՝ հայրենադարձվածների թվում կան գերության մեջ զոհված ուկրաինացի 5 զինծառայողի մարմիններ։ Նրանք եղել են փոխանակման համար պատրաստված «ծանր վիրավորների և ծանր հիվանդների» ցուցակում՝ համաձայն Ստամբուլում բանակցությունների երկրորդ փուլի ընթացքում ձեռք բերված պայմանավորվածությունների։
«Ռուսական կողմը շարունակում է ժամանակ ձգել և չի կատարում իր պարտավորությունները։ Ուկրաինան պնդում է բոլոր ծանր հիվանդ և ծանր վիրավո գերիների անհապաղ ազատ արձակման հարցում և պայքարում է Ուկրաինայի բոլոր քաղաքացիների վերադարձի համար»,- նշել է համակարգող շտաբը։
Ուկրաինական կողմին փոխանցված զոհվածների թվում են Դոնեցկի, Զապորոժիեի, Լուգանսկի և Կուրսկի ուղղություններով մարտերին մասնակված զինծառայողները։
«Մոտ ապագայում իրավապահ մարմինների քննիչները, ՆԳՆ փորձագիտական հաստատությունների հետ համատեղ, կանցկացնեն բոլոր անհրաժեշտ փորձաքննությունները և կբացահայտեն հայրենադարձված զոհերի ինքնությունը»,- հավելել է շտաբը։
