Քաղաքականություն
18.08.2025 | 14:41
Ուկրաինական Զապորոժիեում ռուսական հարվածի հետևանքով զոհերի թիվը հասել է 3-ի, տելեգրամում գրառմամբ հայտնել է մարզային ռազմական վարչակազմի ղեկավար Իվան Ֆյոդորովը։
Ավելի վաղ հաղորդվել էր մեկ զոհի մասին, գրում է BBC-ի ռուսական ծառայությունը։
Բացի այդ, 20 մարդ տուժել է, այդ թվում՝ 17-ամյա պատանի։ Վիրավորներից շատերը ծանր վիճակում են։
Միաժամանակ, Խարկովի վրա անօդաչուներով ռուսական հարձակման հետևանքով զոհերի թիվն էլ հասել է 7-ի։ Քաղաքում այսօր սգո օր է հայտարարվել։
