20.08.2026 | 20:22
Վարդենիսում մի կին ասաց, որ իր կյանքի առաջին 15 հազարն է աշխատել, հուզվել էի․ Լիանա Մանուկյան. ՏԵՍԱՆՅՈՒԹ
Հայաստան են ներթափանցում տաք օդային հոսանքներ․ Սուրենյան
18.08.2025 | 13:47
Հանրապետությունում օդի ջերմաստիճանը կբարձրանա, Հայաստան ներթափանցող տաք օդային հոսանքներն առաջիկա 5-6 օրերին չեն նահանջի․ այս մասին հայտնում է ՀՀ շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի տեղակալ Գագիկ Սուրենյանը:
«Եթե անցյալ շաբաթվա ընթացքում օդի ջերմաստիճանը հանրապետության ողջ տարածքում զգալի նվազել էր, Հայաստանի լեռնային մասերում, այդ թվում՝ Լոռիում, Տավուշում և Սյունիքում, նույնիսկ բավականին սառն էր, բայց այսօրվանից սկսած մեր երկիր հարավից ներթափանցելու են արևադարձային տաք օդային հոսանքներ, որոնք առաջիկա 5-6 օրերին չեն նահանջելու: Այսպիսով՝ օգոստոսի 18-19-ն ընկած ժամանակահատվածում Լոռիում, Տավուշում և Սյունիքում ցերեկային ժամերին օդի ջերմաստիճանը կբարձրանա 8-10 աստիճանով, իսկ մյուս մարզերում, նաև Երևանում՝ 4-6 աստիճանով։
Ամենաբարձր ջերմաստիճանները կգրանցվեն օգոստոսի 19-20-ն ընկած ժամանակահատվածում: Իսկ ամենատաք գոտին կլինի Արարատյան դաշտը և Երևանի ցածրադիր գոտին, որտեղ ցերեկային ժամերին սպասվում է 35-39 աստիճան տաքություն:
Առաջիկա 5 օրերին հանրապետության ողջ տարածքում սպասվում է առանց տեղումների եղանակ, Արագածոտնի, Կոտայքի, Վայոց ձորի նախալեռներում, Արարատյան դաշտում, այդ թվում՝ նաև Երևանում՝ բարձր կարգի հրդեհավտանգ իրավիճակ: Այնպես որ խնդրում ենք պահպանել հրդեհավտանգության կանոնները»,- տեղեկացնում է Սուրենյանը:
