06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Ալյասկայում անցկացված բանակցությունները նոր սփռում տվեցին պատերազմի ավարտի որոնումներին․ Էրդողան
Քաղաքականություն
16.08.2025 | 19:51
Թուրքիայի նախագահ Ռեջեփ Թայիփ Էրդողանն անդրադարձել է ՌԴ և ԱՄՆ նախագահների հանդիպմանը։
Anadolu-ի փոխանցմամբ՝ նա նշել է, որ Ալյասկայում անցկացված բանակցությունները նոր սփռում տվեցին Ռուսաստանի և Ուկրաինայի պատերազմի ավարտի որոնումներին։
«Կցանկանայինք, որ նոր գործընթացը, Զելենսկիի մասնակցությամբ, հիմք դնի կայուն խաղաղության հաստատմանը։ Թուրքիան պատրաստ է ապահովել ցանկացած աջակցություն խաղաղության հաստատման համար։
Մենք ուրախությամբ ողջունում ենք Ալյասկայի գագաթնաժողովը և ցանկանում, որ այս նոր գործընթացը, Զելենսկիի մասնակցությամբ, հիմք դնի կայուն խաղաղության հաստատմանը։ Թուրքիան պատրաստ է տրամադրել ցանկացած աջակցություն խաղաղության հաստատման համար»,-նշել է նա։
Հիշեցնենք՝ ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի միջև Ալյասկայում օգոստոսի 15-ին կայացած հանդիպումն ավարտվել է՝ առանց ռուս-ուկրաինական հակամարտության հրադադարի շուրջ որևէ համաձայնության։
Կողմերի միջև հանդիպումը տևել է շուրջ երեք ժամ, որից հետո նախագահները մոտ 10 րոպե ամբիոնի մոտից հայտարարություններ են արել լրագրողների առջև։ Նրանք, սակայն, հարցերի չեն պատասխանել։ Երկու ղեկավարներն էլ բանակցություններն անվանել են արդյունավետ և նշել, որ գրանցվել է որոշակի առաջընթաց, սակայն մանրամասներ չեն հայտնել։
