07.09.2026 | 17:24
Ուիթքոֆի և Քուշների մասնակցությամբ բանակցությունները՝ «քայլ դեպի խաղաղություն»․ Կրեմլ
Կարևոր է դասեր քաղել անցած 30 տարիներից, մասնավորապես՝ ՌԴ-ին բնորոշ իր սեփական պարտավորությունները չկատարելու հետևողականությունից․ Մակրոն
Քաղաքականություն
16.08.2025 | 18:36
Այսօր առավոտյան կայացավ համակարգման հանդիպում նախագահ Թրամփի, նախագահ Զելենսկու և իմ եվրոպացի գործընկերների հետ՝ Ալյասկայում նախագահ Թրամփի և նախագահ Պուտինի հանդիպումից հետո, X-ի իր էջում գրել է Ֆրանսիայի նախագահ Էմանուել Մակրոնը՝ անդրադառնալով Ալյասկայում Պուտին-Թրամփ հանդիպման վերաբերյալ եվրոպացի առաջնորդների և Ուկրաինայի նախագահի հետ քննարկումներին։
«Հանդիպման ավարտին մենք շարունակեցինք քննարկումները եվրոպացի գործընկերներիս հետ։ Մեր մոտեցումները համընկնում են հետևյալ հարցերում․
- անհրաժեշտ է շարունակել աջակցել Ուկրաինային և պահպանել ճնշումը Ռուսաստանի վրա այնքան ժամանակ, քանի դեռ նրա ագրեսիվ պատերազմը շարունակվում է, և մինչ չհաստատվի ամուր և տևական խաղաղություն, որը հարգում է Ուկրաինայի իրավունքները,
- ցանկացած տևական խաղաղություն պետք է ուղեկցվի անսասան անվտանգության երաշխիքներով։ Այս առումով ես ողջունում եմ Միացյալ Նահանգների պատրաստակամությունը՝ նպաստելու դրան։ Մենք կաշխատենք նրանց հետ և մեր բոլոր գործընկերների հետ «Կամավորների կոալիցիայում», որոնց հետ շուտով կրկին կհանդիպենք՝ շոշափելի առաջընթացի համար։ Կարևոր է նաև դասեր քաղել անցած 30 տարիներից, մասնավորապես՝ Ռուսաստանին բնորոշ իր սեփական պարտավորությունները չկատարելու հետևողականությունից»,-նշել է նա։
Մակրոնի խոսքով՝ նրանք շարունակելու են սերտ համագործակցել Դոնալդ Թրամփի և Վոլոդիմիր Զելենսկու հետ:
«Ֆրանսիան վճռականորեն շարունակում է կանգնած մնալ Ուկրաինայի կողքին»,-նշել է նա։
