02.04.2026 | 09:30
ԱՄՆ–ում ՀՀ դեսպանը Կալիֆոռնիայում ներկայացրել է հայ–ամերիկյան օրակարգի առաջնահերթությունները
Պատերազմն ավարտելու ժամանակն է. Զելենսկի
Քաղաքականություն
15.08.2025 | 21:14
Պատերազմն ավարտելու ժամանակն է: Այս մասին հայտարարել է Վոլոդիմիր Զելենսկին։ Ուկրաինայի նախագահը հույս ունի, որ Ալյասկայում Վլադիմիր Պուտինի և Դոնալդ Թրամփի հանդիպումը «կբացի իրական ճանապարհ դեպի ազնիվ խաղաղություն և եռակողմ ձևաչափով առաջնորդների էական խոսակցություն»:
«Ժամանակն է ավարտել պատերազմը, և համապատասխան քայլերը պետք է արվեն Ռուսաստանի կողմից», – ասել է Զելենսկին։
Ավելի ուշ իր տեսաուղերձում նա ընդգծել է, որ Ռուսաստանն այժմ շարունակում է հարվածներ հասցնել Ուկրաինայի տարածքին: Եվ դա շարունակվում է հենց այն պատճառով, որ չկա ոչ միայն հրաման, այլև ազդանշան, որ Մոսկվան պատրաստվում է ավարտել այս պատերազմը։
«Բանակցությունների օրը նրանք էլ են սպանում։ Եվ դա շատ բան է ասում: Ամերիկայի ուժեղ դիրքորոշման հույս ունենք։ Ամեն ինչ կախված կլինի դրանից՝ ռուսները հաշվի են նստում ամերիկյան ուժի հետ», – ընդգծել է Ուկրաինայի նախագահը։
