21.12.2025 | 22:02
Ֆուտզալի Հայաստանի հավաքականը հաղթեց Մոլդովային
ՌԴ-ն աջակցում է ՀՀ-ին «Թրամփի երթուղու» ստեղծման ծրագրերում․ Օվերչուկ
Քաղաքականություն
15.08.2025 | 13:40
Ռուսաստանն աջակցում է Հայաստանին Ադրբեջանի հետ «Թրամփի երթուղի» անունը ստացած տրանսպորտային միջանցք ստեղծելու ծրագրերում, եթե Երևանը դա անհրաժեշտ է համարում, լրագրողների հետ զրույցում հայտարարել է Ռուսաստանի փոխվարչապետ Ալեքսեյ Օվերչուկը, գրում է ՏԱՍՍ-ը։
«Մենք այս հարցը դիտարկում ենք այս հարթության վրա։ Հայաստանը մեր ռազմավարական դաշնակիցն է, և եթե Հայաստանը կարծում է, որ իրենց համար ինչ-որ բան լավ է, ապա, իհարկե, մենք աջակցում ենք Հայաստանին։ Եթե նրանք կարծում են, որ Վաշինգտոնում համապատասխան հռչակագրի ստորագրումն ապահովում է ավելի մեծ անվտանգության երաշխիքներ, ապա դա լավ է, քանի որ մենք նաև աջակցում ենք Հարավային Կովկասում խաղաղության գործընթացներին»,- ասել է նա։
Օվերչուկի խոսքով՝ սա «ամբողջությամբ և լիարժեք համապատասխանում է» Ռուսաստանի շահերին։
Օգոստոսի 8-ին Վաշինգտոնում ԱՄՆ նախագահ Դոնալդ Թրամփի հետ եռակողմ հանդիպումից հետո, Ադրբեջանի նախագահ Իլհամ Ալիևը և Հայաստանի վարչապետ Նիկոլ Փաշինյանը համատեղ հռչակագիր են ստորագրել Բաքվի ու Երևանի միջև խաղաղ կարգավորման և տրանսպորտային միջանցքի ստեղծման վերաբերյալ։ Այն կկոչվի «Թրամփի երթուղի՝ հանունմիջազգային խաղաղության և բարգավաճման»։
