12.01.2026 | 21:26
Չաբի Ալոնսոն հեռացվեց «Ռեալից»
Ֆինլանդիան խորհրդակցություններ կսկսի ԵԱՀԿ Մինսկի խմբի լուծարման հարցով
Քաղաքականություն
14.08.2025 | 14:38
Ֆինլանդիան, որպես Եվրոպայի անվտանգության և համագործակցության կազմակերպության (ԵԱՀԿ) գործող նախագահ, խորհրդակցություններ կանցկացնի անդամ պետությունների հետ՝ ի պատասխան Ադրբեջանի և Հայաստանի համատեղ կոչի՝ փակել Մինսկի գործընթացը և դրան առնչվող կառույցները։ Ադրբեջանական Report-ի հաղորդմամբ՝ այս մասին Եվրոպական զեկույցների բյուրոյին հայտնել է կազմակերպության գլխավոր գրասենյակը։
Իր հերթին, ԵԱՀԿ քարտուղարությունը պատրաստ է իրականացնել այդ քննարկումների արդյունքում ընդունված բոլոր որոշումները, ասել է կազմակերպության պաշտոնական ներկայացուցիչը։
ԵԱՀԿ-ն հաստատել է, որ օգոստոսի 11-ին Ադրբեջանից և Հայաստանից ստացվել է Նախարարների խորհրդին ուղղված համատեղ կոչ՝ առաջարկով՝ լուծել Մինսկի խմբի և այլ դրանց առնչվող կառույցների փակման հարցը։
«Մենք ողջունում ենք օգոստոսի 8-ին Վաշինգտոնում ստորագրված համաձայնագրերը, շնորհավորում ենք Հայաստանին և Ադրբեջանին այս ձեռքբերման կապակցությամբ և բարձր ենք գնահատում ԱՄՆ վարչակազմի դերն այս գործընթացին նպաստելու գործում»,- ընդգծել են կազմակերպությունում։
Ըստ կազմակերպության պաշտոնական ներկայացուցչի՝ ԵԱՀԿ-ն շարունակում է հավատարիմ մնալ Հարավային Կովկասում երկարատև խաղաղության և կայունության հաստատմանն ուղղված բոլոր ջանքերին։
ԵԱՀԿ Մինսկի խումբը ստեղծվել է 1992 թվականին՝ ղարաբաղյան հակամարտության խաղաղ կարգավորմանը նպաստելու համար։ Խաղաղության համաձայնագրի կնքման համար Բաքվի պահանջներից մեկը ԵԱՀԿ Մինսկի և դրա ինստուտների լուծարումն էր։
