15.02.2026 | 11:47
Վթարային ջրանջատում Երևանում և Կոտայքի մարզում
ԵՄ-ն պատրաստ է աջակցել Բաքվի և Երևանի միջև ձեռք բերված համաձայնությունների իրականացմանը․ Կոշտան՝ Ալիևին
Քաղաքականություն
14.08.2025 | 14:18
Եվրամիությունը պատրաստ է աջակցել Ադրբեջանի և Հայաստանի միջև ձեռք բերված համաձայնությունների իրականացմանը։ Ադրբեջանական լրատվամիջոցների փոխանցմամբ՝ այս մասին հայտարարել է Եվրոպական խորհրդի նախագահ Անտոնիո Կոշտան Ադրբեջանի նախագահ Իլհամ Ալիևի հետ հեռախոսազրույցում։
Կոշտան ընդգծել է Վաշինգտոնում եռակողմ գագաթնաժողովի շրջանակում Ադրբեջանի և Հայաստանի միջև ձեռք բերված համաձայնությունների կարևորությունը տարածաշրջանում երկարատև խաղաղության ու կայունության ապահովման առումով և հայտնել է ԵՄ-ի պատրաստակամությունը աջակցել դրանց իրականացման գործընթացին։
Հաղորդվում է, որ Ալիևն անդրադարձել է Ադրբեջանի հիմնական մասի և Նախիջևանի շրջանի միջև անխոչընդոտ տրանսպորտային հաղորդակցության մասին համաձայնագրի կարևորությանը։
